കോട്ടയം മെഡിക്കല്‍ കോളജ് ആശുപത്രിയില്‍ വനിതാ ഡോക്ടറെ ആക്രമിക്കാന്‍ ശ്രമി പ്രതി രക്ഷപ്പെട്ടു. ഏറ്റുമാനൂര്‍ പൊലീസ് ആശുപത്രിയിലെത്തിച്ച പത്തനംതിട്ട സീതത്തോട് സീതക്കുഴി പുത്തന്‍പറമ്പില്‍ ബിനു (42) ആണ് ഡോക്ടറെ ആക്രമിച്ചത്. ആശുപത്രിയിലെത്തിയ പ്രതി ഡോക്ടറെ ആക്രമിക്കാന്‍ ശ്രമിക്കുകയും, ബലാത്സംഗം ചെയ്യുമെന്ന് ഭീഷണിമുഴക്കുകയുമായിരുന്നു.
അത്യാഹിത വിഭാഗത്തില്‍ ശനിയാഴ്ച പുലര്‍ച്ചെയായിരുന്നു സംഭവം. ഏറ്റുമാനൂര്‍ പൊലീസാണ് രോഗിയെ ആശുപത്രിയില്‍ എത്തിച്ചത്. പരാതി നല്‍കിയിട്ടും നടപടി വൈകിയെന്നു വനിതാ ഡോക്ടര്‍ ആരോപിച്ചു. അക്രമാസക്തനായ ഇയാള്‍, ഡ്യൂട്ടി റൂമില്‍ ഉണ്ടായിരുന്ന ഡോക്ടറെ ആക്രമിക്കാന്‍ ശ്രമിക്കുകയായിരുന്നു.
തുടര്‍ന്ന്, ജീവനക്കാര്‍ ചേര്‍ന്ന് ഇയാളെ കെട്ടിയിട്ടു. ഇതിനിടെ പ്രതി ആശുപത്രിയില്‍ നിന്നും രക്ഷപെടുകയായിരുന്നു. കേസെടുത്ത ഗാന്ധിനഗര്‍ പൊലീസ് വനിതാ ഡോക്ടറുടെ മൊഴി രേഖപ്പെടുത്തി.
English Summary: verbal abuse death and rape threat against woman doctor in kottayam medical college
You may also like this video
