രാജ്യത്തെ ഏറ്റവും പ്രമുഖ ഡിജെമാരിൽ ഒരാളായ ഡിജെ അസെക്സ് എന്ന അക്ഷയ് കുമാറിനെ ശനിയാഴ്ച ഭുവനേശ്വറിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയതായി റിപ്പോർട്ട്. ഇന്നലെ ഇടിമിന്നലിൽ പവർ കട്ട് ഉണ്ടായി. ഈ സമയം അസെക്സ് മുറിക്കുള്ളിലായിരുന്നു. രാത്രി 10 മണിയോടെ വാതിൽ അടഞ്ഞുകിടക്കുകയായിരുന്നുവെന്നും പിന്നീട് തൂങ്ങിമരിച്ച നിലയിൽ കണ്ടെത്തുകയായിരുന്നുവെന്നും ബന്ധുക്കള് പറഞ്ഞു. വാതിൽ തകർത്താണ് അകത്തേയ്ക്ക് കടക്കാനായതെന്നും കുടുംബാംഗങ്ങള് കൂട്ടിച്ചേര്ത്തു.
അസെക്സിന്റെ മരണം കൊലപാതകമാണെന്ന് സംശയിക്കുന്നതായും കാമുകിയും അവളുടെ സുഹൃത്തുമാണ് സംഭവത്തിന് പിന്നിലെ പ്രധാന സൂത്രധാരന്മാരെന്നും കുടുംബാംഗങ്ങൾ ആരോപിച്ചു. ഉടൻ തന്നെ സ്വകാര്യ ആശുപത്രിയിലേക്ക് കൊണ്ടുപോയെങ്കിലും രക്ഷപ്പെടുത്താനായില്ലെന്നും കുടുംബം ആരോപിച്ചു. സംഭവത്തിൽ ഖരവേൽ നഗർ പോലീസ് അന്വേഷണം ആരംഭിച്ചു.
English Summary: Threatened by girlfriend: DJ Acex found dead inside home
You may also like this video
