മിസോറാമിൽ ഡെൽറ്റ പ്ലസ് വകഭേദത്തിന്റെ മൂന്ന് കേസുകൾ കണ്ടെത്തി. ഹോൾ ജീനോം സീക്വൻസിംഗിനായി അയച്ച 350 സാമ്പിളുകളിൽ മൂന്നെണ്ണത്തിലാണ് ഡെൽറ്റ പ്ലസ് വകഭേദമാണെന്ന് സ്ഥിരീകരിച്ചത്. കഴിഞ്ഞ ഓഗസ്റ്റിലാണ് 350 സാമ്പിളുകൾ ബംഗാളിലെ കല്യാണിയിലെ നാഷണൽ ഇൻസ്റ്റിറ്റ്യൂട്ട് ഓഫ് ബയോമെഡിക്കൽ ജെനോമിക്സിന് (എൻഐബിഎംജി) അയച്ചത്.
ചംഫായ് ജില്ലയില്‍ നിന്നുള്ള രണ്ട് പേര്‍ക്കും കോലാസിബ് ജില്ലയിലുള്ള ഒരാള്‍ക്കുമാണ് രോഗബാധ സ്ഥിരീകരിച്ചത്. കൊറോണ വൈറസിന്റെ മറ്റ് വകഭേദങ്ങളുമായി താരതമ്യപ്പെടുത്തുമ്പോൾ ഡെൽറ്റ പ്ലസ് വകഭേദത്തിന് ഉയർന്ന വ്യാപനശേഷി ഉണ്ടെന്ന് പഠനങ്ങൾ തെളിയിച്ചിട്ടുണ്ട്.
അതേസമയം മിസോറാമിൽ ഇതുവരെ 81,460 കോവിഡ് കേസുകൾ രജിസ്റ്റർ ചെയ്തിട്ടുണ്ട്, 268 മരണങ്ങളും റിപ്പോർട്ട് ചെയ്തു.
English summary; three cases delta plus varient in mizoram
you may also like this video;
