കൊല്ലം ബൈപ്പാസിൽ മങ്ങാട് പാലത്തിന് സമീപത്തുണ്ടായ വാഹനാപകടത്തിൽ മൂന്ന് മരണം. കായംകുളം കണ്ടല്ലൂ‌ർ സ്വദേശിനി ഡോ.മിനി ഉണ്ണികൃഷ്ണൻ, സുനിൽ, രഞ്ജിത്ത് എന്നിവരാണ് മരിച്ചത്. ഇന്നലെ അ‌ർദ്ധരാത്രിയാണ് അപകടമുണ്ടായത്.
കാറുകൾ കൂട്ടിയിടിച്ചുണ്ടായ അപകടത്തിലാണ് ഡോ.മിനി, ഡ്രൈവർ സുനിൽ എന്നിവർ മരിച്ചത്. ഇവർക്കൊപ്പമുണ്ടായിരുന്ന മിനിയുടെ മരുമകളെയും ഒന്നര വയസുള്ള കു‌ഞ്ഞിനെയും ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. ഹോമിയോപ്പതി ഡോക്ടറായ മിനി നെയ്യാറ്റിൻക്കരയിൽ വച്ചുനടന്ന ചടങ്ങിൽ മികച്ച പ്രവർത്തനത്തിനുള്ള പുരസ്‌കാരം സ്വീകരിച്ച് കായംകുളത്തേയ്ക്ക് മടങ്ങവേയായിരുന്നു അപകടം.
കൊല്ലം ജില്ലാ കളക്ടറേറ്റിലെ ജീവനക്കാരനാണ് മറ്റൊരു അപകടത്തിൽ മരിച്ചത്. കളക്ടറുടെ ഓഫീസിലെ ജൂനിയർ റിസോഴ്‌സ് പേഴ്‌സണായ ര‌ഞ്ജിത്താണ് മരിച്ചത്. നിർമാണത്തിലിരുന്ന ഓടയിലേയ്ക്ക് ബൈക്ക് മറി‌ഞ്ഞായിരുന്നു അപകടം.
English Summary;Three killed in road accidents on Kollam Bypass
You may also like this video
