നൂറനാട്ട് നടക്കാനിറങ്ങിയവരുടെ മേൽ ടിപ്പർ ലോറി പാഞ്ഞുകയറി മൂന്ന് പേര്‍ മരിച്ചു. നൂറനാട് എരുമക്കുഴി സ്വദേശി രാജു മാത്യു , വിക്രമൻ നായർ എന്നിവർ സംഭവസ്ഥലത്തുതന്നെ മരിച്ചിരുന്നു. അപകടത്തെത്തുടർന്ന് തിരുവല്ല ബി ലിവിയെയ്‌സ് ഹോസ്പിറ്റലിൽ വെന്റിലേറ്ററിൽ ആയിരുന്ന രാമചന്ദ്രൻ നായർ 9.45ഓടെ മരണപെട്ടു. ഗുരുതരമായി പരിക്കേറ്റ ഒരാളെ ആശുപത്രിയിൽ പ്രവേശിപ്പിച്ചിരിക്കുയാണ്. ഇടിച്ച വാഹനം നിർത്താതെ പോയി. ടോറസ് ലോറിയാണ് ഇവരെ ഇടിച്ചതെന്നാണ് ദൃക്സാക്ഷികൾ പറയുന്നത്. രാവിലെ ആറ് മണിക്കായിരുന്നു അപകടം. ഇടിച്ച വാഹനം നിർത്താതെ പോകുകയായിരുന്നു. ടിപ്പർ ഓടിച്ച ഡ്രൈവർ പള്ളിക്കൽ സ്വദേശി അനീഷ് കുമാർ പിന്നീട് പോലീസിൽ കീഴടങ്ങി. ടിപ്പർ ലോറി പോലീസ് കസ്റ്റഡിയിൽ എടുത്തു.
English Summary: Three persons were k illed when a tipper lorry rammed into a pedestrian in Alappuzha
You may like this video also
