ഒഡിഷയിലെ സ്വകാര്യ കോച്ചിങ് സ്ഥാപനത്തിന്റെ ഹോസ്റ്റലില്‍ മൂന്ന് വിദ്യാര്‍ഥികള്‍ പാമ്പുകടിയേറ്റു മരിച്ചു. വിദ്യാര്‍ഥികളായ രാജ നായക് (12), ഷെഹശ്രീ നായക് (11), എലീന നായക് (12) എന്നിവരാണ് മരിച്ചത്. മറ്റൊരു വിദ്യാര്‍ഥി ഗുരുതരാവസ്ഥയിലാണ്. ഒഡിഷയിലെ കിയോഞ്ചര്‍ ജില്ലയിലാണ് സംഭവം നടന്നത്.
ബാരിയ ഏരിയയിലെ നിഷ്ചിന്താപൂര്‍ ഗ്രാമത്തിലെ കോച്ചിങ് സെന്റര്‍ ഹോസ്റ്റലില്‍ വിദ്യാര്‍ഥികള്‍ തറയില്‍ ഉറങ്ങികിടക്കവെയാണ് പാമ്പുകടിച്ചതെന്ന് പൊലീസ് പറഞ്ഞു. നാല് വിദ്യാര്‍ഥികളെയും കിയോഞ്ജറിലെ ജില്ലാ ആശുപത്രിയില്‍ എത്തിച്ചെങ്കിലും മൂന്ന് വിദ്യാര്‍ഥികള്‍ മരിച്ചതായി സ്ഥിരീകരിച്ചു. ഗുരുതരാവസ്ഥയിലായ ആകാശ് നായകിനെ (12) മെച്ചപ്പെട്ട ചികിത്സയ്ക്കായി കട്ടക്കിലെ മെഡിക്കല്‍ കോളജ് ആശുപത്രിയിലേക്ക് മാറ്റിയതായി പൊലീസ് അറിയിച്ചിട്ടുണ്ട്.
English Summary: Three students died of snake bites
You may also like this video;
