തിരുവനന്തപുരത്ത് നിയന്ത്രണം വിട്ട ബൈക്ക് മരത്തിലിടിച്ച് മൂന്ന് വിദ്യാര്‍ഥികള്‍ മരിച്ചു. അരുവിക്കര വഴയിലയിലാണ് അപകടമുണ്ടായത്. ബൈക്ക് യാത്രികരായ ബിനീഷ് (16) സ്റ്റെഫിന്‍ (16)മുല്ലപ്പന്‍ (16) എന്നിവരാണ് മരിച്ചത്. മൂവരും പ്ലസ് വണ്‍ വിദ്യാര്‍ഥികളാണ്.
ഇന്ന് വൈകീട്ട് നാലുമണിയോടെയാണ് അപകടമുണ്ടായത്. നെടുമങ്ങാട് ഭാഗത്ത് നിന്ന് തിരുവനന്തപുരത്തേക്ക് വരുകയായിരുന്നു ബൈക്ക്. അമിതവേഗതയിലായിരുന്നു ബൈക്ക് വളവില്‍ നിന്ന് തെന്നിമാറി സമീപത്തെ കുറ്റിക്കാട്ടിലെ മരത്തിലിടിക്കുകയായിരുന്നു. ഇടിയുടെ ആഘാതത്തില്‍ ബൈക്ക് പൂര്‍ണമായും തകര്‍ന്നു. മൂന്ന് പേരെയും ഉടന്‍ തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മൂന്ന് പേരുടെയും മൃതദേഹങ്ങള്‍ തിരുവനന്തപുരം മെഡിക്കല്‍ കോളജിലെ മോര്‍ച്ചറിയിലേക്ക് മാറ്റി.
ENGLISH SUMMARY:Three students were killed when their bike collided with a tree
You may also like this video
