കര്‍ണാടകയിലെ ഹസന്‍ ജില്ലയില്‍ മൂന്ന് വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ ഒമ്പതുപേര്‍ മരിച്ചു. 10 പേര്‍ക്ക് പരിക്കേറ്റു. നാല് കുട്ടികളും മരിച്ചവരില്‍പ്പെടുന്നു. ശനിയാഴ്ചയാണ് അപകടമുണ്ടായത്. കര്‍ണാടക സ്റ്റേറ്റ് ബസും പാല്‍ ടാങ്കറും ടെംബോ ട്രാവലറും കൂട്ടിയിടിച്ചാണ് അപകടമുണ്ടായത്. രണ്ട് വാഹനങ്ങള്‍ക്കുമിടയില്‍ ടെംബോ ട്രാവലര്‍ ഇടിച്ചുകയറിയാണ് അപടകമുണ്ടായതെന്ന് പൊലീസ് പറഞ്ഞു. ആറ് പേര്‍ സംഭവ സ്ഥലത്തുവച്ചുതന്നെ മരിച്ചു. മറ്റ് മൂന്ന് പേര്‍ ആശുപത്രിയിലേക്കുള്ള വഴിയില്‍വച്ചും മരിച്ചു. പരിക്കേറ്റവര്‍ ഹസനിലെ ആശുപത്രിയില്‍ ചികിത്സയിലാണ്.
English Summary: Three vehicle collision accident: Nine killed in Karnataka
You may like this video also
