ഹൈദരാബാദ്: കുളിമുറിയില്‍ കളിച്ചതിന് മൂന്നുവയസ്സുകാരിയായ മകളെ ക്രൂരമായി മര്‍ദ്ദിച്ച് പിതാവ്. ഹൈദരാബാദ് സ്വദേശികളായ ദമ്പതിമാരുടെ മകളെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു. സംഭവത്തില്‍ കുട്ടിയുടെ അമ്മയുടെ പരാതിയില്‍ അച്ഛനെ പോലീസ് കസ്റ്റഡിയിലെടുത്തു.
ശനിയാഴ്ചയാണ് മൂന്നുവയസ്സുള്ള കുട്ടിയെ അച്ഛന്‍ മര്‍ദിച്ചതെന്നാണ് പരാതിയില്‍ പറയുന്നത്. കുളിമുറിയില്‍ കളിച്ചുകൊണ്ടിരുന്നതിന് അച്ഛന്‍ മകളെ തവി കൊണ്ട് പൊതിരെതല്ലുകയായിരുന്നു. കുളിമുറിയില്‍നിന്ന് പുറത്തിറങ്ങാന്‍ ആവശ്യപ്പെട്ടാണ് ഇത്തരത്തില്‍ ക്രൂരമായി മര്‍ദിച്ചതെന്നും അമ്മ നല്‍കിയ പരാതിയില്‍ പറയുന്നു. കുട്ടിയെ മര്‍ദിക്കുന്നത് തടയാന്‍ ശ്രമിച്ചപ്പോള്‍ തന്നെ നിലത്തേക്ക് തള്ളിയിട്ടതായും തറയിലിട്ട് മര്‍ദിച്ചതായും അമ്മയുടെ പരാതിയിലുണ്ട്.
English Summary: three year old girl brutally attacked by father in hyderabad
You may like this video also
