കോട്ടയം കുമാരനല്ലൂരില് ഉണ്ടായ ബൈക്ക് അപകടത്തില് മൂന്ന് യുവാക്കള് മരിച്ചു. കുമാരനല്ലൂര് കൊച്ചാലുംചുവട്ടില് വൈകിട്ടാണ് അപകടം ഉണ്ടായത്. ഡ്യൂക്ക് ബൈക്ക് ടോറസ് ലോറിയില് ഇടിച്ചാണ് യുവാക്കള് മരിച്ചത്.
തിരുവഞ്ചൂര് സ്വദേശി പ്രവീണ്, സംക്രാന്തി സ്വദേശികളായ ആല്വിന്, ഫാറൂഖ് എന്നിവരാണ് മരിച്ചത്. ബൈക്ക് അമിത വേഗത്തില് വന്നതാണ് അപകടമുണ്ടാക്കിയതെന്നാണ് ദൃക്സാക്ഷികള് പറയുന്നത്. അമിത വേഗതയില് വന്നിരുന്ന ബൈക്ക് എതിര്ദിശയില് പോകുകയായിരുന്ന ലോറിയില് ഇടിക്കുകയായിരുന്നുവെന്ന് ദൃക്സാക്ഷികള് പറയുന്നു. മൂന്ന് പേരും സംഭവസ്ഥലത്തുവച്ച് മരിച്ചു. മൃതദേഹങ്ങള് കോട്ടയം മെഡിക്കല് കോളജിലേക്ക് മാറ്റി.
English Summary; Three youths died in a bike accident in Kottayam