ഹാന്‍ഡ്‌ബോള്‍ മത്സരത്തില്‍ സീനിയര്‍ ആണ്‍കുട്ടികളുടെ വിഭാഗത്തില്‍ മലപ്പുറവും സീനിയര്‍ പെണ്‍കുട്ടികളുടെ വിഭാഗത്തില്‍ തൃശൂരും ചാമ്പ്യന്മാരായി. സീനിയര്‍ ആണ്‍കുട്ടികളുടെ ഹാന്‍ഡ് ബോള്‍ മത്സരത്തില്‍ 14 നെതിരെ 16 ഗോള്‍ നേടിയാണ് മലപ്പുറം ജില്ല ഒന്നാമതെത്തിയത്.
കോഴിക്കോട് ജില്ല രണ്ടാം സ്ഥാനവും കൊല്ലം മൂന്നാം സ്ഥാനവും കരസ്ഥമാക്കി. സീനിയര്‍ പെണ്‍കുട്ടികളുടെ വിഭാഗത്തില്‍ 10 നെതിരെ 14 ഗോള്‍ നേടിയാണ് തൃശൂര്‍ ജില്ല ഒന്നാം സ്ഥാനം സ്വന്തമാക്കിയത്. കണ്ണൂര്‍ ജില്ല രണ്ടാം സ്ഥാനവും മലപ്പുറം ജില്ല മൂന്നാം സ്ഥാനവും നേടി. പുത്തന്‍കുരിശ് എംജിഎം ഹയര്‍ സെക്കന്‍ഡറി സ്കൂളില്‍ സംഘടിപ്പിച്ച മത്സരത്തില്‍ സീനിയര്‍ ആണ്‍കുട്ടികളുടെ വിഭാഗത്തില്‍ 14 ടീമുകളും സീനിയര്‍ പെണ്‍കുട്ടികളുടെ വിഭാഗത്തില്‍ 13 ടീമുകളും പങ്കെടുത്തു.