കടുവയുടെ ജഡം കെട്ടിത്തൂക്കിയ നിലയില്‍ കണ്ടെത്തി. മധ്യപ്രദേശിലെ പന്ന കടുവാ സങ്കേതത്തിലാണ് സംഭവം. രണ്ട് വയസുള്ള ആണ്‍കടുവയുടെ ജഡമാണ് ക്ലച്ച് വയര്‍ ഉപയോഗിച്ച് കെട്ടിത്തൂക്കിയ നിലയില്‍ കണ്ടെത്തിയത്. വേട്ടക്കാരാണ് സാധാരാണയായി ഇത്തരം വയര്‍ ഉപയോഗിക്കുന്നത്. എന്നാല്‍ മൃഗത്തെ പിടിക്കാൻ ഗ്രാമവാസികൾ വച്ച കെണിയില്‍ അബദ്ധത്തിൽ കടുവപ്പെട്ടതായിരിക്കാമെന്ന് സംശയിക്കുന്നതായി ഉദ്യോഗസ്ഥര്‍ അറിയിച്ചു.
സംസ്ഥാന ടൈഗർ സ്ട്രൈക്ക് ഫോഴ്‌സും സത്‌നയിൽ നിന്നുള്ള ഡോഗ് സ്ക്വാഡും സ്ഥലത്തെത്തിയിട്ടുണ്ട്. കടുവയുടെ ജഡം പോസ്റ്റ്‌മോർട്ടത്തിന് അയച്ചിട്ടുണ്ടെന്ന് ഉദ്യേഗസ്ഥര്‍ കൂട്ടിച്ചേര്‍ത്തു. മധ്യപ്രദേശിലെ സ്ഥിതി ചെയ്യുന്ന 3500 ചതുരശ്ര കിലോമീറ്റർ വിസ്തൃതിയിൽ വ്യാപിച്ചുകിടക്കുന്ന പന്ന കടുവാ സങ്കേതത്തില്‍ ഏകദേശം 13 ഗ്രാമങ്ങൾ ഉൾപ്പെടുന്നു. വിന്ധ്യാൻ കുന്നുകളിൽ 15 മുതൽ 32 വരെ കടുവകൾ വസിക്കുന്നു.
English Summary: Tiger found hanged in tree
You may also like this video
