മൂന്നാർ വനം വകുപ്പിന്റെ കെണിയിൽ കുടുങ്ങിയ കടുവ വളർത്തുമൃഗങ്ങളെ ആക്രമിച്ച കടുവ തന്നെയെന്ന് വനം വകുപ്പ് സ്ഥിരീകരിച്ചു. കടുവയെ മൂന്നാറിലെ വനം വകുപ്പ് ഓഫീസ് പരിസരത്തേക്ക് മാറ്റി. പിടിയിലായ കടുവയെ വെറ്റിനറി സർജൻ അടങ്ങിയ വിദഗ്ധസംഘം ഇന്ന് പരിശോധിച്ചു. കടുവയെ തുറന്ന് വിടില്ലെന്നാണ് അറിയിച്ചു. പുനഃരധിവാസ കേന്ദ്രത്തിലേക്ക് മാറ്റും. കടുവയുടെ ഇടത് കണ്ണിന് തിമിരം ബാധിച്ചിരുന്നതായി ഡോക്ടര്‍ കണ്ടെത്തി. സ്വാഭാവിക ഇര തേടല്‍ കടുവയ്ക്ക് ഇനി സാധ്യമല്ല. മൂന്ന്‌ ദിവസത്തിനിടെ 10 പശുക്കളെ കൊലപ്പെടുകയും മൂന്നു പശുക്കളെ ആക്രമിച്ച് പരുക്കേൽപ്പിക്കുകയും ചെയ്ത കടുവയായിരുന്നു ഇത്. കടുവയുടെ ശല്യം രൂക്ഷമായതോടെ മൂന്നു കൂടുകളാണ് വനം വകുപ്പ് സ്ഥാപിച്ചിരുന്നത്. ഇതിൽ നേമക്കാട് സ്ഥാപിച്ച കൂടിനുള്ളിൽ കടുവ കുടുങ്ങുകയായിരുന്നു.
English Summary:A tiger trapped in a Munnar trap will not be released
You may also like this video
