കാമുകനെ രഹസ്യമായി കാണാൻ ഗ്രാമത്തിലെ വൈദ്യുതിബന്ധം വിഛേദിച്ച് യുവതി. ബീഹാറിലെ ബെട്ടിയ ഗ്രാമത്തിലാണ് കാമുകനെ കാണുന്നതിന് നാട്ടുകാരുടെ കണ്ണുവെട്ടിച്ച് യുവതി പ്രദേശത്തെ വൈദ്യുതി വിഛേദിച്ചത്. തുടര്‍ന്ന് ഇരുവരെയും ഗ്രാമവാസികൾ പിടികൂടി. യുവാവിനെ നാട്ടുകാർ മർദ്ദിക്കുകയും ചെയ്തു. നാട്ടുകാരുടെ ബെൽറ്റ് കൊണ്ടുള്ള മർദ്ദനത്തിൽ നിന്ന് യുവാവിനെ രക്ഷിക്കാൻ കാമുകി ശ്രമിക്കുന്ന ദൃശ്യങ്ങളും പുറത്തുവന്നു. സംഭവത്തിൽ മൂന്ന് പേരെ പൊലീസ് കസ്റ്റഡിയിലെടുത്തു. അതേസമയം വീട്ടുകാർ സമ്മതം നൽകിയതോടെ, ഇരുവരുടെയും വിവാഹം ഉടൻ നടത്താൻ തീരുമാനിച്ചിരിക്കുകയാണ്.
English Summary:to meet the lover in secret; The young woman left an entire village in darkness
You may also like this video
