പാലക്കാട് ധോണിയിലെ പിടി7നെന്ന കൊമ്പനെ പിടികൂടാനുള്ള ദൗത്യം ഇന്ന് നിര്‍ത്തിവെച്ചു. കനത്ത വെയിലും ആന ഉള്‍ക്കാട്ടിലേക്ക് കടന്നതാണ് തിരിച്ചടിയായത്. മയക്കുവെടി വെയ്ക്കാനാവാത്ത സാഹചര്യമാണെന്ന് ദൗത്യസംഘം അറിയിച്ചു. അതേസമയം കൊമ്പനെ പിടികൂടാനുള്ള ദൗത്യം നാളെയും തുടരും.
രാവിലെ ആറു മണിയോടെ ദൗത്യസംഘം പി ടി സെവനെ തേടിയിറങ്ങിയത്. ഏഴു മണിയോടെ അരിമണി, ബംഗ്ലാകുന്ന് മേഖലയില്‍ ആനയെ കണ്ടെത്തിയതോടെ കുങ്കിയാനകളേയും അവിടേക്ക് എത്തിച്ചു.എന്നാല്‍ പിടി7 ആന വളരെ പെട്ടെന്ന് കാട്ടിലേക്ക് തന്നെ മാറി. കനത്ത വെയിലും തിരിച്ചടിയായി. പുലര്‍ച്ചെ മുപ്പാടം മേഖലയില്‍ കാട്ടാനയിറങ്ങി കൃഷി നശിപ്പിച്ചു. ആനയെ വേഗത്തില്‍ പിടികൂടാനാവുമെന്ന പ്രതീക്ഷയിലാണ് നാട്ടുകാര്‍.
English Summary:Today’s mission to capture PT7 has been called off
You may also like this video
