ആന്ധ്രാപ്രദേശിലെ അണ്ണമയ്യ ജില്ലയിൽ തക്കാളി വിറ്റ പണം തട്ടിയെടുക്കാൻ കർഷകനെ കൊലപ്പെടുത്തി. നരേം രാജശേഖര റെഡ്ഢി എന്ന കർഷകനാണ് കൊല്ലപ്പെട്ടത്. തക്കാളി വിറ്റുകിട്ടിയ പണം ഇയാളുടെ പക്കൽ ഉണ്ടെന്ന അനുമാനത്തിലാണ് അക്രമികൾ കൊലപാതകം നടത്തിയത്. ചൊവ്വാഴ്ച രാത്രിയാണ് കർഷകനെ മരിച്ച നിലയിൽ കണ്ടെത്തിയത്.
ചൊവ്വാഴ്ച രാത്രി രാജശേഖര റെഡ്ഢി ഗ്രാമത്തിലേക്ക് പാൽ കൊണ്ടുകൊടുക്കാൻ ചെന്നപ്പോഴാണ് അക്രമികൾ വളഞ്ഞത്. തക്കാളി വിറ്റുകിട്ടിയ പണം എവിടെയെന്ന് ചോദിച്ച ശേഷം അടുത്തുള്ള മരത്തിൽ രാജശേഖര റെഡ്ഢിയെ കെട്ടിയിട്ട ശേഷം ആക്രമിക്കുകയായിരുന്നു. കർഷകന്റെ കാലുകൾ കെട്ടിയിട്ട ശേഷം വായിൽ തുണി തിരുകുകയും ചെയ്തിരുന്നു. ഇതിന് മുൻപ് അക്രമികൾ തക്കാളി വാങ്ങാനെന്ന വ്യാജേന ഇയാളുടെ പാടത്ത് പോയിരുന്നു. ഇതിന് ശേഷമായിരുന്നു ആക്രമണം.
English Summary: Tomato farmer murdered in Andhra village
You may also like this video
