മനുഷ്യന്റെ ചില്ലു കൊട്ടാരം തന്നെയാണ് ഓർമ്മകൾ. അത് തകർന്നു പോയാലുള്ള അവസ്ഥയെക്കുറിച്ച് ചിന്തിക്കാനേ കഴിയില്ല. എന്നും എപ്പോഴും എന്തിനെ പറ്റിയും ഓർത്തെടുക്കാൻ പറ്റുക എന്നുള്ളത് സവിശേഷമായ കാര്യം തന്നെയാണ്. “നീ അത് ഓർക്കുന്നുണ്ടോ?” എന്ന ചോദ്യശരത്തിനു മുന്നിൽ നാം ഓർമ്മകളുടെ താളുകൾ മറിച്ചു തുടങ്ങും. ആ താളുകൾ എത്ര പഴകി ജീർണിച്ചതാണെങ്കിൽ കൂടി അവിടെനിന്ന് എന്തെങ്കിലും ഒരു ഏട് തീർച്ചയായും കിട്ടിയിട്ടുണ്ടാകും. കഴിഞ്ഞുപോയ കാലവും, നാടും നാട്ടുകാരും, വീടും വീട്ടുകാരും, ബന്ധുമിത്രാദികളും അച്ഛൻ, അമ്മ, ഭാര്യ, ഭർത്താവ്, മക്കൾ അങ്ങനെ എല്ലാ ബന്ധങ്ങളും ഒരു ചരടിൽ എന്ന പോലെ കൂട്ടിച്ചേർക്കുന്നത് ഓർമ്മകൾ തന്നെയാണ്. ഓരോ ദിവസം തന്നെ കഴിഞ്ഞുപോകുന്നത് തന്നെ ഒരുപിടി ഓർമ്മകൾ തന്നിട്ടാണ്. ജീവിതം മുന്നോട്ടു പോകുന്നതു പോലും ആ ഓർമ്മകളിലൂടെ ആവും. നാളത്തേക്ക് ആഴ്ചയിലേക്കും മാസത്തേക്കും വർഷത്തേക്കും അതല്ല ഇനിയൊരു ജീവിതകാലം മൊത്തം ഓർക്കേണ്ടതായ സംഗതികൾ നാം മറന്നുപോയെങ്കിലോ? ഓർമ്മ എന്ന ചില്ല് കൊട്ടാരം ചിന്നിച്ചിതറില്ലേ. തന്റെ പ്രിയപ്പെട്ടവർക്ക് ഒപ്പം, തന്റെ പ്രിയമുള്ളതെല്ലാം തന്നെ മറന്നുപോവുക എന്നത് എത്ര ഭയാനകമായ അവസ്ഥയാണ്. ഈ ഭൂമിയിൽ തനിക്ക് ആരൊക്കെയുണ്ടെന്നോ എന്തൊക്കെയുണ്ട് ഓർക്കാൻ കഴിയാത്ത അവസ്ഥ. തന്നെത്താൻ മറന്നു പോകുന്നവർ ജീവനുള്ള ഒരു പ്രതിമ കണക്കെ ജീവിതം തള്ളിനീക്കേണ്ടുന്ന അവസ്ഥ.
നാളെ സെപ്റ്റംബർ 21 ലോക മറവിദിനം അഥവാ അൽഷിമേഴ്സ് ദിനം. ഓർമ്മയുടെ മരണം എന്നും വിശേഷിപ്പിക്കുന്ന ഈ രോഗം നാഡി സംബന്ധമായ അസുഖമാണ്. അൽഷിമേഴ്സ് മാസ്തിഷ്കത്തിലെ കോശങ്ങളെ നിർജീവം ആകുകയും മസ്തിഷ്കം ശോഷിക്കുകയും ചെയ്യുന്നു. ഒരു വ്യക്തിയുടെ കഴിവ് ചിന്ത പെരുമാറ്റം എന്തിന് ദൈനംദിന കാര്യങ്ങളിൽ വരെ ക്രമേണ ബാധിക്കുന്നു. ഇത്തരം അവസ്ഥയെ മേധക്ഷയം അഥവാ ഡിമെൻഷ്യ എന്നും പറയാറുണ്ട്. ജർമ്മൻ സൈക്യാട്രിസ്റ്റ് ആയ ഡോക്ടർ അലോയിസ് അൽഷിമേഴ്സിന്റെ പേരിൽ നിന്നുമാണ് ഈ രോഗത്തിന്റെ പേര് ഉത്ഭവിച്ചത്. 1906ൽ അദ്ദേഹം ഈ രോഗത്തെ ആദ്യമായി നിർവചിക്കുകയായിരുന്നു. സാധാരണയായി 65 വയസ് കഴിഞ്ഞവർക്കാണ് ഈ രോഗം പിടിപെടുന്നത്. എന്നാൽ ഇപ്പോൾ 30 കഴിഞ്ഞവർക്കും രോഗലക്ഷണങ്ങൾ കണ്ടു തുടങ്ങുന്നു. അതിനാൽ മറവി രോഗത്തിന്റെ അപകട സാധ്യതകള് തിരിച്ചറിയുകയും കൃത്യ സമയത്ത് രോഗ നിര്ണയം നടത്തുകയും ചെയ്യുന്നത് പ്രധാനമാണ്. ആരോഗ്യ വകുപ്പിന്റെ കീഴില് അല്ഷിമേഴ്സ് രോഗം കണ്ടെത്തുന്നതിനും ചികിത്സയ്ക്കുമായി വിവിധ സംവിധാനങ്ങളുണ്ട്. മെഡിക്കല്കോളജ് ന്യുറോളോജി, സൈക്യാട്രി വിഭാഗങ്ങള്, ജില്ലാ ജനറല് ആശുപത്രികളിലെ സൈക്യാട്രി യൂണിറ്റുകള്, സാമൂഹികാരോഗ്യ കേന്ദ്രങ്ങളിലെ മാനസികാരോഗ്യ പരിപാടി ക്ലിനിക്കുകള് എന്നിവയിലെല്ലാം ഇതിനുള്ള സൗകര്യങ്ങള് ലഭ്യമാണ്.
രോഗികളോടുള്ള കരുതൽ ഈ വേളയിൽ അത്യാവശ്യമാണ്. വ്യായാമം, ആരോഗ്യകരമായ ഭക്ഷണരീതി പിന്തുടരുക, ശരിയായ ഉറക്കം, മാനസിക സമ്മർദം കുറയ്ക്കുവാനായി വിനോദങ്ങളിൽ ഏർപ്പെടുക, സാമൂഹിക ബന്ധങ്ങളിൽ ഏർപ്പെടുക തുടങ്ങിയ കാര്യങ്ങളിൽ അവരെ ഉൾപ്പെടുത്തിക്കാൻ കഴിയും വിധം ശ്രമിക്കണം. ഇവരെ ഒറ്റപ്പെടുത്താതെ സ്നേഹത്തോടെ ചേർത്തു നിർത്തണം. അൽഷിമേഴ്സ് സാവധാനം പുരോഗമിക്കുന്ന ഒരു ന്യൂറോളജിക്കൽ അവസ്ഥയാണ്. ഇത് മസ്തിഷ്ക കോശങ്ങളുടെ മരണത്തിനും തലച്ചോറിന്റെ ചുരുങ്ങലിനും കാരണമാകുന്നു. അൽഷിമേഴ്സ് ഉള്ള രോഗികൾ മെമ്മറി, ചിന്ത, വൈജ്ഞാനിക സ്വഭാവം, ലളിതമായ ജീവിത നൈപുണ്യങ്ങൾ എന്നിവയെ ബാധിക്കുന്ന ഒന്നിലധികം ഘട്ടങ്ങളിലൂടെ കടന്നുപോകുന്നു. എല്ലാ അൽഷിമേഴ്സിന്റെ ലക്ഷണങ്ങളിൽ ഏറ്റവും ശ്രദ്ധേയമായത് ഓര്മ്മകള് കൈമോശം വരുന്നതുതന്നെ.
മറന്ന് തുടങ്ങുന്നത് സമീപകാലം
അൽഷിമേഴ്സ് രോഗമുള്ള രോഗികൾക്ക് വിദൂര ഭൂതകാല സംഭവങ്ങൾ ഓർമ്മിക്കാൻ കഴിയും, എന്നാൽ പ്രാരംഭ ഘട്ടത്തിൽ സമീപകാല സംഭവങ്ങൾ ഓർമ്മിക്കാൻ ബുദ്ധിമുട്ട് അനുഭവപ്പെടും. അൽഷിമേഴ്സ് രോഗം കാലക്രമേണ മസ്തിഷ്ക കോശങ്ങളുടെ വ്യാപകമായ അപചയത്തിന് കാരണമാകുകയും ഓര്മ്മയുടെ ഗുരുതരമായ വൈകല്യത്തിലേക്ക് നയിക്കുകയും ചെയ്യുന്നു. വ്യക്തിക്ക് പതിവ് പ്രവർത്തനങ്ങൾ നടത്താനുള്ള കഴിവ് നഷ്ടപ്പെടും. കഠിനമായതിനാൽ ഇത് മരണത്തിലേക്ക് നയിച്ചേക്കാം. നിര്ജ്ജലീകരണം, പോഷകാഹാരക്കുറവ്, അണുബാധകൾ, ബെഡ്സോറുകൾ തുടങ്ങിയവ കൂടെവരും. അൽഷിമേഴ്സിന് രോഗത്തിന്റെ പുരോഗതിയെ മന്ദഗതിയിലാക്കാനോ തടയാനോ ചികിത്സയോ പ്രതിവിധിയോ ഇല്ല.
തലച്ചോറിന്റെ പ്രവർത്തനത്തെ ബാധിക്കുന്ന ഒരു മൾട്ടി-ഫാക്ടീരിയൽ രോഗമാണ് അൽഷിമേഴ്സ്. അൽഷിമേഴ്സ് രോഗം പ്രായമായവരാണ്. എന്നിരുന്നാലും, ഈ അവസ്ഥ വാർദ്ധക്യത്തിന്റെ ഒരു സാധാരണ ഭാഗമല്ല. എന്തുകൊണ്ടാണ് ചിലർക്ക് ഈ രോഗം വരുന്നതെന്നും ചിലർക്ക് എന്തുകൊണ്ട് ഇത് സംഭവിക്കുന്നില്ലെന്നും ശാസ്ത്രജ്ഞർക്ക് അറിയില്ല. എന്നിരുന്നാലും, കാരണങ്ങൾ രണ്ട് തരത്തിലുള്ള നാഡീ തകരാറുകളിൽ നിന്നാണ്:
• മസ്തിഷ്കത്തിൽ അടിഞ്ഞുകൂടുന്ന ബീറ്റാ-അമിലോയ്ഡ് പ്ലാക്കുകൾ എന്നറിയപ്പെടുന്ന പ്രോട്ടീൻ നിക്ഷേപങ്ങൾ.
• നാഡീകോശങ്ങൾ ന്യൂറോഫിബ്രിലറി ടാംഗിൾസ് എന്നറിയപ്പെടുന്ന കുരുക്കുകൾ ഉണ്ടാക്കുന്നു.
അൽഷിമേഴ്സ് ഉള്ള മാതാപിതാക്കളോ സഹോദരങ്ങളോ ഉണ്ടെങ്കിൽ, നിങ്ങൾക്ക് രോഗം വരാനുള്ള സാധ്യത കൂടുതലാണ്. ഡൗൺ സിൻഡ്രോം ഉള്ള ആളുകൾക്ക് ഈ രോഗം നേരത്തെ തന്നെ വരാന് സാധ്യതയുണ്ട്. ഉയർന്ന രക്തസമ്മർദവും ഉയർന്ന കൊളസ്ട്രോൾ ലെവലുകൾ നിങ്ങളുടെ അപകടസാധ്യത വർധിപ്പിക്കും. ഓർമക്കുറവാണ് അൽഷിമേഴ്സ് രോഗത്തിന്റെ പ്രാഥമിക ലക്ഷണം. സമീപകാല സംഭാഷണങ്ങളും സംഭവങ്ങളും ഓർത്തെടുക്കാനുള്ള ബുദ്ധിമുട്ട് രോഗത്തിന്റെ പ്രാരംഭ സൂചനയിൽ ഉൾപ്പെടുന്നു.