പിഡബ്ല്യുഡി ഓഫീസില്‍ മദ്യസേവ നടത്തി ഉന്നത ഉദ്യോഗസ്ഥരും കീഴ്ജീവനക്കാരും; വീഡിയോ വൈറലാകുന്നു

ഉത്തർപ്രദേശിലെ കാൺപൂർ അക്ബർപൂർ ബ്ലോക്കിലെ ബാര ഗ്രാമത്തിന് സമീപമുള്ള പിഡബ്ല്യുഡിയുടെ സെക്ഷൻ ഓഫീസിൽ സർക്കാർ ജീവനക്കാർ മദ്യപാര്‍ട്ടി നടത്തി. സംഭവത്തിന്റെ വൈറൽ വീഡിയോ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.

നിൽക്കുന്ന ഒരാൾ മദ്യക്കുപ്പി തുറന്ന് ഗ്ലാസ്സുകളിൽ മറ്റുള്ളവർക്ക് വിളമ്പുന്നതും മറ്റുള്ളവർ ഓഫീസിൽ ലഘുഭക്ഷണത്തോടൊപ്പം മദ്യം കുടിക്കുന്നതും വീഡിയോയിൽ കാണാം. ഇതിനിടെ ഇവർക്കൊപ്പം ഇരുന്ന മറ്റൊരാളാണ് വീഡിയോ എടുത്ത് സോഷ്യൽ മീഡിയയിൽ പോസ്റ്റ് ചെയ്തത്.

സംഭവത്തില്‍ രണ്ട് ജീവനക്കാരെ തിരിച്ചറിഞ്ഞിട്ടുണ്ടെന്നും മൂന്നാമതൊരാൾ ആരാണെന്ന് കണ്ടെത്താനുണ്ടെന്നും എക്‌സിക്യൂട്ടീവ് എഞ്ചിനീയർ നവീൻ ശർമ്മ പറഞ്ഞു. സംഭവത്തെക്കുറിച്ച് അന്വേഷിക്കാൻ പിഡബ്ല്യുഡി എക്‌സിക്യൂട്ടീവ് എഞ്ചിനീയർ അന്വേഷണ സമിതിയെ നിയോഗിച്ചു. അന്വേഷണം പൂർത്തിയാക്കിയ ശേഷം ഉദ്യോഗസ്ഥർക്കെതിരെ നടപടിയെടുക്കുമെന്നും ശർമ പറഞ്ഞു.

Eng­lish Sum­ma­ry: Top offi­cers and sub­or­di­nates serv­ing liquor in PWD office; The video goes viral

You may also like this video also