ചെന്നൈ സെന്ട്രലില് നിന്ന് തിരുവള്ളൂരിലേക്ക് പോകുന്ന സബര്ബന് ട്രെയിന് ബേസിന് ബ്രിഡ്ജ് സ്റ്റേഷന് സമീപം ട്രെയിന് പാളം തെറ്റി.
ഇന്ന് രാവിലെ 9.30-ഓടെയാണ് സംഭവം. ട്രെയിനിന് ഒൻപത് കോച്ചുകളുണ്ടായിരുന്നു. അവസാനത്തെ കോച്ചിന്റെ മുന്നിലുള്ള സ്ത്രീകളുടെ കോച്ചിന്റെ രണ്ട് ചക്രങ്ങളാണ് പാളം തെറ്റിയതെന്ന് വിവരം. അതേസമയം അപകടത്തില് ആര്ക്കും പരിക്കുകളില്ല.
അവധി ദിവസമായതിനാൽ ട്രെയിനിൽ യാത്രക്കാർ കുറവായിരുന്നു. അപകടത്തിന് ശേഷം ഏകദേശം ഒരു മണിക്കൂർ റെയിൽവേ ഗതാഗതം തടസ്സപ്പെട്ടു. സ്ഥലത്തെത്തിയ റെയിൽവേ ഉദ്യോഗസ്ഥർ പരിശോധന നടത്തി. വ്യാഴാഴ്ച ഇതേ സ്റ്റേഷന് സമീപം സമാനമായ രീതിയില് വിജയവാഡ‑ചെന്നൈ സെന്ട്രല് ജനശതാബ്ദിയും പാളംതെറ്റിയിരുന്നു. ചെന്നൈയില് യാത്രക്കാരെ ഇറക്കിയശേഷം യാര്ഡിലേക്ക് നീങ്ങുന്നതിനിടെയായിരുന്നു അപകടമുണ്ടായത്.
English Summary: Train derails in Chennai; No casualty