ഡല്‍ഹിയില്‍ ട്രാന്‍സ്ജന്‍ഡറിനെ സുഹൃത്തുക്കള്‍ ചേര്‍ന്ന് കൊലപ്പെടുത്തി. തെക്കുകിഴക്കൻ ഡൽഹിയിലെ സൺലൈറ്റ് കോളനിയിലാണ് സംഭവം. അഭിഷേക് തോമര്‍ (22) എന്ന മിനല്‍ ആണ് കൊല്ലപ്പെട്ടത്. ഹിമാന്‍ഷു കുമാര്‍ (20), സോനു കുമാര്‍ (21) എന്നിവരാണ് പ്രതികള്‍. യുപി സ്വദേശിയാണ് സോനു. ഡല്‍ഹി സ്വദേശിയാണ് ഹിമാന്‍ഷു. പണം നൽകാൻ വിസമ്മതിച്ചാൽ പിതാവിനോട് തങ്ങളുടെ ബന്ധം വെളിപ്പെടുത്തുമെന്ന് മിനാല്‍ ഭീഷണിപ്പെടുത്തിയിരുന്നു. ഇതാണ് കൊലപാതകത്തിലേക്ക് നയിച്ചതെന്ന് പ്രതികള്‍ പൊലീസിനോട് വെളിപ്പെടുത്തി. സിസിടിവിയുടെയും ഫോണ്‍ രേഖകളുടെയും അടിസ്ഥാനത്തിലാണ് അറസ്റ്റ് രേഖപ്പെടുത്തിയത്.
ഹിമാന്‍ഷുവും സോനുവും ചേര്‍ന്ന് ഗൂഢാലോചന നടത്തിയാണ് മിനാലിനെ വിളിച്ചുവരുത്തി കൊലപ്പെടുത്തിയത്. ജനുവരി 10ന് ആശ്രമത്തിലെ ഹരി നഗറിലെ ഇരയുടെ ഫ്‌ളാറ്റില്‍വച്ചാണ് ഇവര്‍ മിനാലിനെ കൊലപ്പെടുത്തിയത്. സംഭവത്തില്‍ പ്രതികളുടെ അറസ്റ്റ് രേഖപ്പെടുത്തി അന്വേഷണം ആരംഭിച്ചതായും പൊലീസ് പറഞ്ഞു.
English Summary: Transgender killed by two men
You may also like this video
