ബിജെപി നേതാവിന്റെ വായിൽ ആസിഡ് ഒഴിക്കുമെന്ന് തൃണമൂൽ നേതാവിന്റെ ഭീഷണി. മാൾഡ ജില്ലാ തൃണമൂൽ കോൺഗ്രസ് പ്രസിഡന്റ് അബ്ദുർ റഹീം ബക്ഷിയാണ് ഭീഷണി മുഴക്കിയത്. ബിജെപി എംഎൽഎ ശങ്കർ ഘോഷിനെതിരെ പേര് എടുത്തു പറയാതെ ആയിരുന്നു ഭീഷണി.
മറ്റു സംസ്ഥാനങ്ങളിലെ ബംഗാളി സംസാരിക്കുന്ന കുടിയേറ്റ തൊഴിലാളികൾക്കെതിരായ അതിക്രമങ്ങളുടെ പേരിൽ ടിഎംസി സംഘടിപ്പിച്ച പരിപാടിയിൽ പ്രസംഗിക്കുകയായിരുന്നു അബ്ദുർ റഹീം ബക്ഷി. ബംഗാളിൽ നിന്നുള്ള കുടിയേറ്റ തൊഴിലാളികളെ ‘റൊഹിങ്ക്യകള്’ അല്ലെങ്കിൽ ‘ബംഗ്ലാദേശികൾ’ എന്ന് വിശേഷിപ്പിച്ചുകൊണ്ട് നിയമസഭയിൽ ഘോഷ് നടത്തിയ മുൻകാല പരാമർശങ്ങളെ ചൂണ്ടിക്കാട്ടിയാണ് ബക്ഷി ഭീഷണി മുഴക്കിയത്. ബിജെപി പതാകകൾ വലിച്ചുകീറണമെന്നും ബക്ഷി ആഹ്വാനം ചെയ്തു.
ടിഎംസി മേധാവി മമത ബാനർജിയുടെ ആവർത്തിച്ചുള്ള മുന്നറിയിപ്പുകൾ അവഗണിച്ചാണ് പുതിയ പ്രസ്താവന. അപമാനകരമോ പ്രകോപനപരമോ ആയ ഭാഷ ഉപയോഗിക്കുന്നതിനെതിരെ തന്റെ പാർട്ടി സഹപ്രവർത്തകർക്ക് മമത പരസ്യമായി മുന്നറിയിപ്പ് നൽകിയിരുന്നു. ഏതാനും വർഷങ്ങള്ക്ക് മുന്പും പ്രകോപനകരമായ ചില പരാമർശങ്ങള് ബക്ഷിയുടെ ഭാഗത്തുനിന്നും ഉണ്ടായിട്ടുണ്ട്. ബിജെപി, സിപിഐ(എം), കോണ്ഗ്രസ് നേതാക്കളുടെയും പ്രവർത്തകരുടെയും കൈയ്യും കാലും വെട്ടുമെന്നായിരുന്നു മുമ്പ് നടത്തിയ പ്രസംഗം.
ബിജെപി നേതാവിന്റെ വായില് ആസിഡ് ഒഴിക്കുമെന്ന് തൃണമൂല് എംഎല്എ
