രാജസ്ഥാനിൽ ട്രക്കും പിക്കപ്പ് വാനും കൂട്ടിയിടിച്ച് അപകടം; 11 മരണം, ഏഴുപേർ കുട്ടികൾ

രാജസ്ഥാനിലെ ദൗസ ജില്ലയിൽ പാസഞ്ചർ പിക്കപ്പ് വാനും ട്രെയിലർ ട്രക്കും കൂട്ടിയിടിച്ചുണ്ടായ അപകടത്തില്‍ 11 പേർ മരിച്ചു. മോഹൻപൂർ ഹൈവേയിൽ തീർത്ഥാടകർ സഞ്ചരിച്ച വാഹനമാണ് അപകടത്തിൽപ്പെട്ടത്. മരിച്ചവരിൽ ഏഴുപേർ കുട്ടികളും മൂന്നുപേർ സ്ത്രീകളുമാണ്. അപകടത്തിൽ നിരവധി പേർക്ക് പരിക്കേറ്റിട്ടുണ്ട്. പൊലീസ് സ്ഥലത്തെത്തി രക്ഷാപ്രവർത്തനങ്ങൾക്ക് നേതൃത്വം നൽകി. പരിക്കേറ്റവരെ ആശുപത്രിയിൽ പ്രവേശിപ്പിച്ചിട്ടുണ്ട്.