അമേരിക്കയ്ക്ക് പുറത്ത് നിര്മിക്കുന്ന എല്ലാ സിനിമകള്ക്കും 100% താരിഫ് ഏര്പ്പെടുത്തുമെന്ന് യുഎസ് പ്രസിഡന്റ് ഡൊണാള്ഡ് ട്രംപ് പ്രഖ്യാപിച്ചു. വിദേശ രാജ്യങ്ങള് അമേരിക്കയുടെ സിനിമാ വ്യവസായത്തെ ‘മോഷ്ടിച്ചു’ എന്ന് ട്രംപ് ആരോപിച്ചു. ‘ഒരു കുഞ്ഞിന്റെ കയ്യില് നിന്ന് മിഠായി മോഷ്ടിക്കുന്നതുപോലെയാണ് മറ്റ് രാജ്യങ്ങള് അമേരിക്കയുടെ സിനിമാ വ്യവസായത്തെ തട്ടിയെടുത്തത്’ എന്നാണ് ട്രൂത്ത് സോഷ്യലില് കുറിച്ചത്. അമേരിക്കയ്ക്ക് പുറത്ത് നിര്മിക്കുന്ന സിനിമകള്ക്ക് 100 ശതമാനം തീരുവ ഏര്പ്പെടുത്താനുള്ള പദ്ധതി മേയില് തന്നെ ട്രംപ് പ്രഖ്യാപിച്ചിരുന്നു. അതിനായുള്ള നടപടികള് സ്വീകരിക്കാന് വാണിജ്യ വകുപ്പിനും യുണൈറ്റഡ് സ്റ്റേറ്റ്സ് ട്രേഡ് റെപ്രസെന്ററ്റീവിനും അദ്ദേഹം അധികാരം നല്കുകയും ചെയ്തു.
വിദേശ സിനിമകള്ക്ക് 100% താരിഫ് ഏര്പ്പെടുത്തി ട്രംപ്
