തുർക്കി ഹോട്ടലിലെ തീപിടിത്തം: 78 പേർ മരിച്ച സംഭവത്തിൽ 11 പേർക്ക് ജീവപര്യന്തം; ഉടമയും കുടുംബവും ഉൾപ്പെടെയുള്ളവർ ശിക്ഷിക്കപ്പെട്ടു

വടക്കുപടിഞ്ഞാറൻ തുർക്കിയിലെ ബോളു മലനിരകളിലെ സ്കീ റിസോർട്ടിലെ ഹോട്ടലിൽ തീപിടിച്ച് 78 പേർ മരിച്ച സംഭവത്തിൽ 11 പേർക്ക് തുർക്കി കോടതി ജീവപര്യന്തം തടവ് ശിക്ഷ വിധിച്ചു. ജനുവരിയിൽ കാർത്തൽക്കയ സ്കീ റിസോർട്ടിലെ ഗ്രാൻഡ് കാർത്തൽ ഹോട്ടലിൽ ഉണ്ടായ തീപിടിത്തക്കേസിലാണ് കോടതിയുടെ ഈ നിർണായക വിധി. ശിക്ഷിക്കപ്പെട്ടവരിൽ ഹോട്ടലിൻ്റെ ഉടമയായ ഹാലിത് എർഗുൾ, അദ്ദേഹത്തിൻ്റെ ഭാര്യ എമിൻ എർഗുൾ, മക്കൾ എന്നിവർ ഉൾപ്പെടുന്നു. ഇവർ ഹോട്ടൽ മാനേജ്‌മെൻ്റ് ടീമിൻ്റെ ഭാഗമായിരുന്നു. കൂടാതെ, ഹോട്ടൽ ജനറൽ മാനേജർ, ബോളു ഡെപ്യൂട്ടി മേയർ എന്നിവർക്കും ശിക്ഷ ലഭിച്ചു. സ്കൂൾ അവധി ദിനമായതിനാൽ 34 കുട്ടികൾ ഉൾപ്പെടെ 78 പേരാണ് ദുരന്തത്തിൽ മരിച്ചത്. 238 അതിഥികൾ താമസിച്ചിരുന്ന ഹോട്ടലിൽ തീ അതിവേഗം പടർന്നുപിടിച്ചതോടെ 137 പേർക്ക് പരിക്കേൽക്കുകയും ചെയ്തിരുന്നു. 34 കുട്ടികളുടെ മരണത്തിന് പ്രതികൾക്ക് 34 ഇരട്ടിപ്പിച്ച ജീവപര്യന്തം ശിക്ഷയാണ് കോടതി വിധിച്ചത്.