ജമ്മു കശ്മീരിലെ ഉധംപുരിൽ മണിക്കൂറുകളുടെ വ്യത്യാസത്തില്‍ രണ്ട് സ്ഫോടനങ്ങള്‍. സംഭവത്തില്‍ രണ്ട് പേര്‍ക്ക് പരിക്കേറ്റു. ബുധനാഴ്ച രാത്രിയും ഇന്നലെ രാവിലെയുമായി എട്ട് മണിക്കൂറിന്റെ ഇടവേളയിലാണ് സ്ഫോടനം നടന്നത്. സംഭവത്തിന്റെ അന്വേഷണ ചുമതല ദേശീയ അന്വേഷണ ഏജൻസിക്കാണ്(എൻഐഎ).
ബുധനാഴ്ച രാത്രി 10:45 നാണ് ഉധംപുരിലെ ദോമെയിൽ ജങ്ഷനിലെ ബസിൽ സ്ഫോടനം നടന്നത്. ഈ സംഭവത്തിലാണ് രണ്ട് പേർക്ക് പരിക്കേറ്റത്. ഉധംപുരിൽ ബസ് സ്റ്റാന്റിൽ നിർത്തിയിട്ടിരുന്ന ബസിനകത്താണ് രണ്ടാമത്തെ സ്ഫോടനമുണ്ടായത്. സംഭവസ്ഥലത്തും പരിസരങ്ങളിലും ബോംബ് സ്കാഡും ഡോഗ് സ്ക്വാഡും പരിശോധന നടത്തി. സംഭവങ്ങള്‍ തമ്മില്‍ സമാനതയുണ്ടെന്നും വിഷയം അന്വേഷിക്കുകയാണെന്നും പൊലീസ് പറ‍ഞ്ഞു.
ഒക്ടോബര്‍ നാലിന് കേന്ദ്ര ആഭ്യന്തര മന്ത്രി അമിത് ഷാ ജമ്മു കശ്മീർ സന്ദർശിക്കാനിരിക്കെയാണ് സ്ഫോടനം. അതേസമയം കശ്മീരിൽ നടന്ന സ്ഫോടനങ്ങളുടെ പശ്ചാത്തലത്തിൽ ന്യൂഡല്‍ഹിയിൽ സുരക്ഷ ശക്തമാക്കി.
English summary:Twin blasts in Kashmir: Two injured
you may also like this video:
