മഹാരാഷ്ട്രയിലെ നാസിക്കില്‍ പരിശീലനത്തിനിടെ ഫീല്‍ഡ് ഗണ്‍ ഷെല്‍ പൊട്ടിത്തെറിച്ച് രണ്ട് അഗ്നിവീര്‍ സൈനികര്‍ മരിച്ചു. വ്യാഴാഴ്ച ഉച്ചയ്ക്ക് നാസിക്ക് റോഡ് ഏരിയയിലെ ആര്‍ട്ടിലറി സെന്ററിലാണ് സംഭവം. ഗോഹില്‍ വിശ്വരാജ് സിങ്, സൈഫത്ത് ഷിറ്റ് എന്നിവരാണ് മരിച്ചത്. ഇന്ത്യന്‍ ഫീല്‍ഡ് ഗണ്ണില്‍ നിന്നും വെടിയുതിര്‍ത്ത് പരിശീലിക്കുന്നതിനിടെയാണ് പൊട്ടിത്തെറിയുണ്ടായത്. ഇരുവരെയും ഉടന്‍ അടുത്തുള്ള ആശുപത്രിയിലെത്തിച്ചെങ്കിലും രക്ഷിക്കാനായില്ല. സംഭവത്തില്‍ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.
പരിശീലനത്തിനിടെ അപകടം: രണ്ട് അഗ്നിവീറുകള്‍ കൊല്ലപ്പെട്ടു
