ക്രൂരമര്ദ്ദനമേറ്റ നിലയില് കോലഞ്ചേരി മെഡിക്കല് കോളജില് പ്രവേശിപ്പിച്ച കാക്കനാട് പള്ളത്തുപടി സ്വദേശിയായ രണ്ടര വയസുകാരിയുടെ നില അതീവ ഗുരുതരമായി തുടരുന്നു. കുട്ടിയുടെ തലച്ചോറിനു ക്ഷതമേറ്റിട്ടുണ്ട്. ഇടതുകൈയില് രണ്ട് ഒടിവുകളും ശരീരത്തില് പുതിയതും പഴയതുമായ മുറിവുകളുമുണ്ട്. മുഖത്തടക്കം പൊള്ളലേറ്റ പാടുകളുമുണ്ട്. വെന്റിലേറ്ററിലുള്ള കുട്ടിയുടെ നില അടുത്ത 72 മണിക്കൂര് വളരെ നിര്ണായകമാണെന്നു ഡോക്ടര്മാര് അറിയിച്ചു.
ആശുപത്രിയില് കഴിയുന്ന രണ്ടര വയസുകാരിയുടെ അമ്മയുടെ സഹോദരിയും ഭര്ത്താവും ഒളിവില് പോയതായാണ് സൂചന. രണ്ടര വയസുകാരിക്കു പരിക്കു പറ്റിയ സംഭവത്തില് ദുരൂഹത തുടരുകയാണ്. പരിക്ക് പറ്റിയ കുട്ടിക്ക് ചികിത്സ വൈകിപ്പിച്ചതില് അമ്മക്കെതിരേ തൃക്കാക്കര പൊലീസ് കേസെടുത്തിട്ടുണ്ട്. ഞായറാഴ്ച രാത്രിയിലാണ് പരിക്ക് പറ്റിയ കുട്ടിയുമായി അമ്മയും മുത്തശിയുമാണ് പഴങ്ങനാട് ആശുപത്രിയില് എത്തിയത്.
english summary; Two-and-a-half-year-old girl assaulted; Mother’s sister and husband in hiding
you may also like this video;