ആലപ്പുഴയില്‍ മാരകായുധങ്ങളും സ്‌ഫോടകവസ്തുക്കളുമായി രണ്ടുപേര്‍ പിടിയില്‍. ഇരവുകാട് ബൈപ്പാസിന് സമീപം ഒരു വീട്ടില്‍ വടിവാളും സ്ഫോടകവസ്തുക്കളും ഒളിപ്പിച്ച നിലയിലായിരുന്നു. ഇവിടെ നിന്ന് മയക്കുമരുന്നും കണ്ടെടുത്തു. ജില്ലാ പൊലീസ് മേധാവിയുടെ നേതൃത്വത്തിലായിരുന്നു റെയ്ഡ് നടന്നത്. സ്ഥലത്ത് നിന്ന് ഒരാള്‍ പൊലീസിനെ കണ്ട് ഓടി പോകുന്നതും കണ്ടു.
ഇയാള്‍ക്കായി പൊലീസ് തെരച്ചില്‍ തുടങ്ങി. ഇന്നലെ രാത്രിയോടെയായിരുന്നു സംഭവം. സ്ഥലത്ത് ആയുധങ്ങള്‍ സൂക്ഷിച്ചിരുന്നതായി പൊലീസിന് രഹസ്യവിവരം ലഭിച്ചത്തിന്റെ അടിസ്ഥാനത്തിലാണ് പരിശോധന നടന്നത്. ക്രിമിനല്‍ പശ്ചാത്തലമുള്ള സംഘമാണ് ഇവരെന്നാണ് പൊലീസ് പറയുന്നത്.
English Summary:Two arrested with deadly weapons and explosives in Alappuzha
You may also like this video
