മധ്യപ്രദേശിലെ ജബൽപുരിൽ സോമനാഥ് എക്സ്പ്രസിന്റെ രണ്ടു കോച്ചുകൾ പാളം തെറ്റി. ഇന്ന് പുലർച്ചെ 5.50ന് സ്റ്റേഷനിൽനിന്ന് 200 മീറ്റർ അകലെയാണ് അപകടമുണ്ടായത്. ട്രെയിൻ (നമ്പർ– 22191) ആണ് പാളം തെറ്റിയത്. ഇതുവരെ ആളപായമൊന്നും റിപ്പോർട്ട് ചെയ്തിട്ടില്ല. ഇൻഡോറിൽ നിന്നും ട്രെയിൻ വരികയായിരുന്നുവെന്ന് വെസ്റ്റ് സെൻട്രൽ റെയിൽവേ സിപിആർഒ ഹർഷിത് ശ്രീവാസ്തവ പറഞ്ഞു. ജബൽപുർ റെയിൽവേ സ്റ്റേഷന്റെ പ്ലാറ്റ്ഫോം നമ്പർ 6ന് അടുത്തെത്തിയപ്പോഴാണ് മുൻവശത്തെ രണ്ട് കോച്ചുകള് പാളം തെറ്റിയത്.
ഇൻഡോർ‑ജബൽപുർ സോമനാഥ് എക്സ്പ്രസിന്റെ രണ്ട് കോച്ചുകള് പാളം തെറ്റി; ആളപായമില്ല
