ടൂറിസ്റ്റ് ബസ് എതിരെവന്ന ട്രാവലറില്‍ ഇടിച്ചുണ്ടായ അപകടത്തില്‍ ദമ്പതികള്‍ മരിച്ചു. 17 പേര്‍ക്ക് പരിക്ക്. വടക്കഞ്ചേരി-മുടപ്പല്ലൂർ സംസ്ഥാന പാതയിലെ കരിപ്പാലിയിൽ ഇന്നലെ രാവിലെയായിരുന്നു സംഭവം. വേളാങ്കണ്ണി തീര്‍ത്ഥാടനം കഴിഞ്ഞ് മടങ്ങിയവര്‍ സഞ്ചരിച്ച ട്രാവലറില്‍ എതിരെ വന്ന ടൂറിസ്റ്റ് ബസ് നിയന്ത്രണം വിട്ട് ഇടിച്ചു കയറുകയായിരുന്നു.
ആലപ്പുഴ ചേർത്തല അർത്തുങ്കൽ ചമ്പക്കാട് വീട്ടില്‍ മൈക്കിളിന്റെ മകന്‍ പൈലി (75), ഭാര്യ റോസി (65) എന്നിവരാണ് മരിച്ചത്. അര്‍ത്തുങ്കല്‍ സ്വദേശികളായ വര്‍ഗീസ്, ഡ്രൈവര്‍ അഖില്‍, വര്‍ഷ, പ്രസന്ന, ജെസി, ടെസിയ, മനു, കുഞ്ഞുമോന്‍, മിന്നു, സോജി, പ്രിന്‍സി, ബൈജു, പ്രിന്‍സ്, കുഞ്ഞുമോള്‍ സുരേന്ദ്രന്‍, ശാന്തമ്മ, സജിനി, ലൗലി, അഭിഷേക് എന്നിവര്‍ക്കാണ് പരിക്കേറ്റത്. ഇതില്‍ വര്‍ഗീസ്, ഡ്രൈവര്‍ അഖില്‍ എന്നിവരുടെ നില അതീവ ഗുരുതരമായതിനാല്‍ വെന്റിലേറ്ററില്‍ ചികിത്സയിലാണ്.
English Summary: Two ki-lled and 16 others were injured in a collision between a Palakkad tourist bus and a van