മധ്യപ്രദേശിൽ ട്രക്ക് ബൈക്കിലേക്ക് മറിഞ്ഞു രണ്ട് മരണം; ജനക്കൂട്ടം വാഹനങ്ങൾക്ക് തീയിട്ടു

മധ്യപ്രദേശിലെ സിംഗ്രൗളി ജില്ലയിൽ വെള്ളിയാഴ്ച കൽക്കരി നിറച്ച ട്രക്ക് ബൈക്കിലേക്ക് മറിഞ്ഞ് രണ്ട് പേർ മരിച്ചു. ഇതിനെ തുടർന്ന് നാട്ടുകാർ റോഡ് ഉപരോധിക്കുകയും 11 ബസുകളും ട്രക്കുകളും കത്തിക്കുകയും ചെയ്തു. മരണത്തെ തുടർന്ന് നടത്തിയ പ്രതിഷേധ പ്രകടനം അക്രമാസക്തമായതോടെ
ജനക്കൂട്ടം വാഹനങ്ങൾക്ക് തീയിടുകയായിരുന്നു. സംഭവത്തില്‍ ഒരു പൊലീസ് ഉദ്യോഗസ്ഥന് പരിക്കേറ്റു. അക്രമം നിയന്ത്രിക്കുന്നതിനും സ്ഥിതിഗതികൾ
കൂടുതൽ വഷളാകുന്നത് തടയുന്നതിനുമായി പ്രദേശത്ത് വലിയ തോതിൽ പൊലീസ് ഉദ്യോഗസ്ഥരെ വിന്യസിച്ചിട്ടുണ്ട്. കലാപത്തിനും വാഹനങ്ങൾക്ക് തീയിടലിനും
ഉത്തരവാദികളായവർക്കെതിരെ ഉചിതമായ നടപടി സ്വീകരിക്കുമെന്ന് പോലീസ് പറഞ്ഞു.