കുറുവ സംഘത്തിലെ രണ്ട് പേര് ആലപ്പുഴ മണ്ണഞ്ചേരി പൊലീസിന്റെ പിടിയില്. തമിഴ്നാട് പൊലീസിന്റെ പിടികിട്ടാപുള്ളികളാണ് പിടിയിലായത്. കറുപ്പയ്യയും നാഗരാജുവും ആണ് പിടിയിലായിരിക്കുന്നത്. ഇവരെ ഇടുക്കി രാജകുമാരിയില് നിന്ന് പൊലീസ് കസ്റ്റഡിയിലെടുത്തത്.
അതേസമയം, കസ്റ്റഡിയിലെടുത്തവര്ക്ക് നിലവില് കേരളത്തില് കേസുകള് ഇല്ലെന്നാണ് പൊലീസ് പറയുന്നത്. മണ്ണഞ്ചേരിയില് രജിസ്റ്റര് ചെയ്ത കുറുവ സംഘത്തിനെതിരായ കേസന്വേഷണത്തിന്റെ ഭാഗമായി കസ്റ്റഡിയില് എടുത്തതാണ് ഇവരെ. തുടര്ന്നുള്ള അന്വേഷണത്തിലാണ് പിടിയിലായവര് തമിഴ്നാട് പൊലീസിന്റെ പിടികിട്ടാപുള്ളികള് ആണെന്ന് അറിയുന്നത്. നാഗര്കോവില് പൊലീസിന് പ്രതികളെ കൈമാറും.