കിടങ്ങൂർ- പാദുവാ പന്നഗം തോട്ടിൽ കുളിക്കാനിറങ്ങിയ രണ്ട് നഴ്‌സിംഗ് വിദ്യാത്ഥികൾ മുങ്ങിമരിച്ചു. കൊല്ലം ട്രാവൻകൂർ കോളജ് ഓഫ് നഴ്‌സിംഗിൽ രണ്ടാം വർഷ ബി എസ് സി നഴ്‌സിംഗ് വിദ്യാർത്ഥികളാണ് മരിച്ചത്. കരുനാഗപ്പള്ളി സ്വദേശി അജ്‌മൽ (21) വർക്കല സ്വദേശി വജൻ (21) എന്നിവരാണ് മുങ്ങിമരിച്ചത്.
പാദുവയിലെ സഹപാഠിയുടെ വീട്ടിലെത്തിയ നാല് അംഗ സംഘം വൈകീട്ട് മുടപ്പാലക്കടവിൽ കുളിക്കാനിറങ്ങിയപ്പോഴാണ് അപകടമുണ്ടായത്. വൈകീട്ട് അഞ്ചരയോടെയായിരുന്നു സംഭവം. കാണാതായവരെ പാലായിൽ നിന്നും ഫയർഫോഴ്‌സ് സംഘമെത്തിയാണ് പുറത്തെടുത്തത്.അജ്‌മൽ കരയ്ക്കെത്തിച്ചപ്പോഴേക്കും മരണമടഞ്ഞിരുന്നു വജനെ ചേർപ്പുങ്കൽ മെഡിസിറ്റിയിലെത്തിച്ച് ചികിത്സ നൽകിയെങ്കിലും ജീവൻ രക്ഷിക്കാനായില്ല.
English Summary:Two nursing students drowned while taking a bath in the stream
You may also like this video
