ഇടുക്കി മൂലമറ്റം ത്രിവേണി സംഗമത്തില് കുളിക്കാനിറങ്ങിയ രണ്ടു പേര് ഒഴുക്കില് പെട്ടു മരിച്ചു. മൂലമറ്റം സജി ഭവനില് ബിജു (54), സന്തോഷ് ഭവനില് സന്തോഷ് (56) എന്നിവരാണ് മുങ്ങി മരിച്ചത്. ത്രിവേണി സംഗമത്തില് കുളിച്ചുകൊണ്ടിരുന്ന കുട്ടികളോടൊപ്പം എത്തിയതായിരുന്നു ഇവര്. മൂലമറ്റം വൈദ്യുതി നിലയത്തില്നിന്നും കൂടുതല് വെള്ളം ഒഴുകിയെത്തിയതോടെ കുട്ടികള് ഒഴുക്കില്പെട്ടു. കുട്ടികളെ രക്ഷിക്കാനായി വെള്ളത്തിലിറങ്ങിയ സന്തോഷും ബിജുവും കുട്ടികളെ കരയിലെത്തിക്കുന്നതിനിടെ അപകടത്തില്പ്പെടുകയായിരുന്നു.അപകടത്തിൽ പെട്ടവരെ ഓടിക്കൂടിയ എകെജി നിവാസികള് ചേർന്ന് മൂലമറ്റത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
സംഭവം അറിഞ്ഞ് മൂലമറ്റത്തെ ഒരു ചടങ്ങിൽ പങ്കെടുത്തു കൊണ്ടിരുന്ന ജലവിഭവ വകുപ്പ് മന്ത്രി റോഷി അഗസ്റ്റിന് ആശുപത്രിയിൽ എത്തി സന്ദർശനം നടത്തി വാർഡ് മെമ്പർ ഉഷ ഗോപിനാഥും മന്ത്രിയോടൊപ്പം ഉണ്ടായിരുന്നു. കാഞ്ഞാർ എസ്ഐ ജിബിൻ തോമസും സംഘവും ഇൻക്വിസ്റ്റ് നടപടികൾ പൂർത്തിയാക്കി മൃതദേഹം തൊടുപുഴ ജില്ലാ ആശുപത്രിയിൽ പോസ്റ്റുമോർട്ടത്തിന് ശേഷം ബുധൻ ഇന്ന് രണ്ട് മണിക്ക് ഇരുകൂട്ടരുടേയും വിട്ടുവളപ്പിൽ സംസ്ക്കാരം സന്തോഷിൻ്റെ ഭാര്യ ആശ മക്കൾ’ അഭിഷേക് ‘ദേവു. ബിജുവിൻ്റെ ഭാര്യ ജീസ’ മക്കൾ: സച്ചിൻ’സഞ്ചു .
English Summary;Two people drowned while rescuing children caught in the current at Moolamatta
You may also like this video
