മണിയാർ ഇടക്കുന്നിൽ പുരയിടത്തിലെ കാട് വൃത്തിയാക്കുന്ന ജോലിയിൽ ഏർപ്പെട്ടിരുന്ന രണ്ട് സ്ത്രീകൾക്ക് മിന്നലേറ്റ് ദാരുണാന്ത്യം. ഇടക്കുന്ന് സ്വദേശിനികളായ ഗോകുലത്തിൽ സരോജം(55), മഞ്ജു ഭവനിൽ രജനി(59) എന്നിവരാണ് മരിച്ചത്. ഇന്നലെ രാവിലെ 11.30ഓടെയായിരുന്നു സംഭവം.
നഗരസഭ പരിധിയിൽ തൊഴിലുറപ്പ് ജോലികൾ അവസാനിച്ചതിനാൽ സമീപത്തെ സ്വകാര്യ വ്യക്തിയുടെ പുരയിടത്തിലെ കാട് വൃത്തിയാക്കുകയായിരുന്ന ഇവര്‍ മഴ പെയ്തതിനെ തുടർന്ന് സമീപത്ത് നിന്നിരുന്ന ആഞ്ഞിലി മരത്തിന് താഴെ നിൽക്കവെ അപ്രതീക്ഷിതമായെത്തിയ മിന്നൽ മരത്തിൽ ചായുകയും ചുവട്ടിൽ നിന്ന ഇരുവരും പ്രഹരമേറ്റു വീഴുകയുമായിരുന്നു. ഇരുവരെയും പുനലൂർ താലൂക്ക് ആശുപത്രിയിൽ പ്രവേശിപ്പിച്ചെങ്കിലും ജീവൻ നഷ്ടപ്പെട്ടിരുന്നു.
English Summary:Two women die in Punalur after being struck by lightning
You may also like this video
