ഗുരുതര പരിക്കേറ്റ നിലയിൽ ആശുപത്രിയിൽ പ്രവേശിപ്പിച്ച രണ്ട് വയസുകാരിയുടെ അമ്മയും മുത്തശ്ശിയും ജീവനൊടുക്കാൻ ശ്രമിച്ചു. കൈയിലെ ഞരമ്പ് മുറിച്ചാണ് ഇരുവരും ആത്മഹത്യക്ക് ശ്രമിച്ചത്. ഇവരുടെ ആരോഗ്യനില തൃപ്തികരമാണെന്ന് ആശുപത്രി അധികൃതർ അറിയിച്ചു.
അതേസമയം, കുട്ടിയുടെ ആരോഗ്യനിലയിൽ കാര്യമായ പുരോഗതിയുണ്ടെന്ന് ഡോക്ടർമാർ വ്യക്തമാക്കി. കഴിഞ്ഞ ദിവസമാണ് കുട്ടിയെ അമ്മയും മുത്തശിയും ഗുരുതര പരിക്കുകളോടെ കോലഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്.
കുട്ടിയുടെ കൈ ഒടിഞ്ഞ നിലയിലും ശരീരത്തിൽ പൊള്ളലേറ്റിട്ടുമുണ്ടായിരുന്നു. കുട്ടിയുടെ തലയ്ക്കും പരിക്കേറ്റതായി ഡോക്ടർമാർ പറഞ്ഞിരുന്നു. പൊലീസ് നടത്തിയ ചോദ്യം ചെയ്യലിൽ വ്യത്യസ്തമായ മറുപടികളാണ് അമ്മയും മുത്തശ്ശിയും നൽകിയത്. സംഭവത്തിൽ പൊലീസ് കൂടുതൽ അന്വേഷണം നടത്തി വരികയാണ്.
english summary;Two-year-old girl’s mother and grandmother attempt suicide
you may also like this video;