മലപ്പുറം കൊണ്ടോട്ടിയിൽ മുസ്ലിയാരങ്ങാടി, കിഴിശ്ശേരി എന്നിവടങ്ങളില് നിന്നു ഇരുചക്ര വാഹനങ്ങള് മോഷ്ടിച്ച രണ്ടു യുവാക്കള് അറസ്റ്റില്. അരീക്കോട് പത്തനാപുരം ചുള്ളിക്കല് മുഹമ്മദ് നിഹാദ്, അരീക്കോട്,വെറ്റിലപ്പാറ ഓരുചോലക്കല് മുഹമ്മദ് ഷാമില് എന്നിരാണ് പിടിയിലായത്.
ഒഴുകൂര് സ്വദേശി മുഹമ്മദ് ജുറൈജിന്റെ മുസ്ലിയാരങ്ങാടിയില് നിര്ത്തിയിട്ട സ്പ്ലെന്ഡര് ബൈക്കും, കിഴിശ്ശേരി സ്വദേശി വിഘ്നേശിന്റെ ആലിന്ചുവട് ഭാഗത്ത് നിര്ത്തിയിട്ട ഫാഷന് പ്ലസ് ബൈക്കുമാണ് ഇരുവരും ഓരേ ദിവസം മോഷ്ടിച്ചത്. പരാതി ലഭിച്ചതിനെ തുടര്ന്ന് കൊണ്ടോട്ടി പൊലിസ് പ്രദേശത്തെ സി.സി.ടി.വി ക്യാമറകളും മറ്റും പരിശോധിച്ച് നടത്തിയ അന്വേഷണം നടത്തി. കോഴിക്കോട് കുന്ദമംഗലം ഭാഗത്ത് നിന്നാണ് ഇരുവരേയും മോഷ്ടിച്ച ബൈക്കില് സഞ്ചരിക്കവെ പൊലിസ് പിടിയിലായത്.