ഏഴ് കിലോ കഞ്ചാവുമായി ചന്തിരൂർ സ്വദേശികളായ രണ്ട് യുവാക്കളെ അർത്തുങ്കൽ പൊലീസ് പിടികൂടി. അർത്തുങ്കൽ ഫിഷ് ലാന്റിംഗ് സെന്ററിന് സമീപത്ത് നിന്നാണ്കഞ്ചാവുമായി യുവാക്കൾ പിടിയിലായത്. അരൂർ സ്വദേശി വിനോദ് (28), ചന്തിരൂർ സ്വദേശി സഞ്ചു (27), എന്നിവരെയാണ് ആലപ്പുഴ ജില്ലാ ലഹരി വിരുദ്ധ സ്ക്വാഡും അർത്തുങ്കൽ പൊലിസും പിടികുടിയത്. റോഡ് മാർഗ്ഗം വൻ തോതിൽ കഞ്ചാവ് കടത്തുന്നുവെന്ന വിവരത്തെ തുടർന്നാണ്പരിശോധന നടത്തിയത്.
സിഐ, പി ജി മധു, എസ് ഐ സജീവ്, ജി എസ് ഐ ബിജു. എ എസ് ഐ ബെന്നി , എസ് സി പി ഓ മാരായ ബൈജു, സേവ്യർ,സിപിഒ മനു എന്നിവരടങ്ങിയ സംഘമാണ് കഞ്ചാവുമായി പ്രതികളെ പിടികുടിയത്. ഇവർ ഒഡിഷയിൽ നേരിട്ട് പോയി കഞ്ചാവ് വാങ്ങി ചേർത്തല, ആലപ്പുഴ, അർത്തുങ്കൽ എന്നി ഭാഗങ്ങളിൽ ആണ് കച്ചവടം നടത്തിയിരുന്നത്. ഇവർ ഒന്നോ രണ്ടോ മാസം കുടുമ്പോൾ ഒഡിഷയിൽ പോയി കഞ്ചാവ് വാങ്ങി വിൽപ്പന നടത്തി വരികയായിരുന്നുവെന്ന് സി ഐ പറഞ്ഞു.