സ്റ്റേറ്റ് വാട്ടർ ട്രാൻസ്പോർട്ട് ഡിപ്പാർട്മെന്റ് എംപ്ലോയീസ് ഫെഡറേഷൻ ആലപ്പുഴ യൂണിറ്റ് കൺവെൻഷൻ ജോയിന്റ് കൗൺസിൽ ജില്ലാ പ്രസിഡന്റ് സി സുരേഷ് ഉദ്ഘാടനം ചെയ്തു. ജീവനക്കാരുടെ അടിസ്ഥാനപരമായ വിഷയങ്ങളും പ്രൊമോഷൻ അടക്കമുള്ള കാര്യങ്ങളിൽ വ്യക്തത വരുത്തേണ്ട സ്പെഷ്യൽ റൂൾസ് പരിഷ്ക്കരിക്കണമെന്ന് യൂണിറ്റ് സമ്മേളനം സർക്കാരിനോട് ആവശ്യപ്പെട്ടു. ഈ ആവിശ്യം ഉന്നയിച്ചു നടക്കുന്ന സെക്രട്ടറിയേറ്റ് മാർച്ചും ധർണ്ണയും വിജയിപ്പിക്കാൻ സമ്മേളനം തീരുമാനിച്ചു. യൂണിറ്റ് പ്രസിഡന്റ് വി കെ സന്തോഷ് കുമാർ ആധ്യക്ഷത വഹിച്ചു. സി എം സുമേഷ് സ്വാഗതം പറഞ്ഞു.
ഫെഡറേഷൻ സംസ്ഥാന പ്രസിഡന്റ് എ ടി മുജീബ് സംഘടനാ റിപ്പോർട്ട് അവതരിപ്പിച്ചു. ജോയിന്റ് കൗൺസിൽ ജില്ലാ സെക്രട്ടറി എം അനിൽ കുമാർ, ജില്ലാ സെക്രട്ടറിയേറ്റ് അംഗം ഷഹീർ ഷറീഫ്, ഫെഡറേഷൻ നേതാക്കളായ സുനിൽ താമരശ്ശേരി, മണി, ബിനീഷ് ബാബു എന്നിവർ സംസാരിച്ചു.
English Summary: State Water Transport Department Employees Federation Alappuzha Unit Convention