ഭീമ കൊറേഗാവ് കേസിൽ യുഎപിഎ ചുമത്തി പ്രതിയാക്കിയ കവിയും സാമൂഹ്യപ്രവർത്തകനുമായ വരവരറാവുവിന് ചികിത്സാ ജാമ്യം ബോംബെ ഹൈക്കോടതി ജനുവരി ഏഴ് വരെ നീട്ടിനൽകി. ജസ്റ്റിസ് നിതിൻ ജംദാർ, എസ് വി കോട്വാൾ എന്നിവരടങ്ങുന്ന ഡിവിഷന്‍ ബെഞ്ചാണ് കീഴടങ്ങാനുള്ള സമയം നീട്ടിയത്.
ഫെബ്രുവരി 22നായിരുന്നു ആറ് മാസത്തേക്ക് ഇടക്കാല ചികിത്സാ ജാമ്യത്തിൽ വരവരറാവു പുറത്തിറങ്ങിയത്. ഇതിന് ശേഷം മുംബൈയിലാണ് താമസിച്ചിരുന്നത്. സ്വദേശമായ തെലങ്കാനയിലേക്ക് തിരികെ പോകാൻ അനുവദിക്കണമെന്നും മെഡിക്കൽ ജാമ്യം നീട്ടിനൽകണമെന്നും ആവശ്യപ്പെട്ട് റാവു സമർപ്പിച്ച ഹർജി ഇന്നലെയാണ് കോടതി പരിഗണിച്ചത്.
82 വയസുള്ള റാവുവിന് ആരോഗ്യപ്രശ്നങ്ങളുണ്ടാവുക സ്വാഭാവികമാണെന്ന് എൻഐഎക്ക് വേണ്ടി ഹാജരായ അഡീഷണൽ സോളിസിറ്റർ ജനറൽ അനിൽ സിങ് പറഞ്ഞു. ഈ കാരണംകൊണ്ട് റാവുവിനെ കുറ്റവിമുക്തനാക്കാന്‍ കഴിയില്ലെന്നും കീഴടങ്ങേണ്ടത് അനിവാര്യമായതിനാൽ ജാമ്യം നീട്ടരുതെന്നും അനിൽ സിങ് ആവശ്യപ്പെട്ടു. എന്നാൽ റാവുവിന് ഹൈക്കോടതി സമയം നീട്ടി നൽകുകയായിരുന്നു.
english summary; Varavarao’s medical bail extended
you may also like this video;
