പുനര്‍ജനിയില്‍ നിര്‍മ്മിച്ച വീടുകളുടെ പട്ടിക പുറത്തുവിടില്ലെന്ന് പ്രതിപക്ഷ നേതാവ് വി ഡി സതീശന്‍.രണ്ട് ഏജന്‍സികള്‍ അന്വേഷിക്കുന്ന കാര്യം പുറത്തുവിടാനാവില്ല.അന്വേഷണം നടക്കുന്ന ഘട്ടമായതിനാല്‍ പുനര്‍ജനിയുടെ കാര്യം ഇപ്പോള്‍ പുറത്തുപറയാനാവില്ല.
വിജിലന്‍സിനും,ഇഡിക്കും ഇതുമായി ബന്ധപ്പെട്ട കൃത്യമായ വിവരങ്ങള്‍ നല്‍കുമെന്നും സതീശന്‍ അഭിപ്രായപ്പെട്ടു. കഴിഞ്ഞ നിയമസഭാ തെരഞ്ഞെടുപ്പ് കാലയളവില്‍ പുനര്‍ജനിയുമായി ബന്ധപ്പെട്ട് എട്ട് പേജ് പത്രം അടിച്ചിറക്കി എല്ലാവര്‍ക്കും നല്‍കിയിരുന്നു.
അതില്‍ അതുവരെയും നല്‍കിയ വീടുകളുടെ വിവരമുണ്ടെന്നും സതീശന്‍ പറഞ്ഞു. അന്വേഷണം കഴി‌ഞ്ഞാല്‍ മാത്രമെ അത് പുറത്തുപറയുകയുള്ളുവെന്നും പ്രതിപക്ഷ നേതാവ് വ്യക്തമാക്കി.
English Summary:
VD Satheesan will not release the list of houses built in Punarjani
You may also like this video:
