തൃക്കുന്നപ്പുഴ പോലീസ് സ്റ്റേഷന്‍ പരിസരത്ത് വാഹനങ്ങൾ കാടുകയറി തുരുമ്പെടുത്ത് നശിക്കുന്നു. തീരദേശ മേഖലയിൽ നിന്നും മണൽ കടത്തികൊണ്ടിരുന്ന ഇടത്തരം പിക്കപ്പ് വാഹനങ്ങളാണ് തുരുമ്പെടുത്തുനശിക്കുന്നത്. ചിലതിൽ കടൽമണ്ണ് നിറച്ചിട്ടുണ്ട്. ഉപ്പുരസമുള്ള മണലായതിനാൽ വാഹനങ്ങളുടെ അടിത്തട്ട് പൂർണ്ണമായും നശിച്ചിട്ടുണ്ട്.
തീരദേശ മേഖലയിൽ പരിമിതമായ സ്ഥലത്ത് സ്ഥിതി ചെയ്യുന്ന പോലീസ് സ്റ്റേഷന്റെ പരിസരത്ത് തൊണ്ടിമുതലായി കിടക്കുന്ന വാഹനങ്ങൾഎടുത്തു മാറ്റാൻ കഴിയാത്ത അവസ്ഥയിലാണ്. ഇതിന് പുറമേ അപകടങ്ങളിൽപ്പെട്ട് പിടിച്ചെടുത്ത ഓട്ടോറിക്ഷകളും ബൈക്കുകളും നശിക്കുകയാണ്. എന്നാൽ കഴിഞ്ഞ മാസം നൂറോളം വാഹനങ്ങൾ ലേലം ചെയ്തുപോയിട്ടുണ്ട്. അവശേഷിക്കുന്നവ ഉടൻ തന്നെ ലേലം ചെയ്തു കൊടുക്കുമെന്ന് സ്റ്റേഷൻ ഹൗസ് ഓഫീസർ പറഞ്ഞു.
English Summary: Vehicles seized at Thrikunnapuzha police station are rusting and decaying