വെഞ്ഞാറമൂട് കൂട്ടക്കൊല കേസില് രണ്ടാമത്തെ കുറ്റപത്രം ഇന്ന് കോടതിയില് സമര്പ്പിച്ചു. അഫാന്റെ പിതൃസഹോദരന് അബ്ദുള് ലത്തീഫ്, ഭാര്യ ഷാഹിദ എന്നിവരെ കൊലപ്പെടുത്തിയ കേസിലാണ് കുറ്റപത്രം സമര്പ്പിച്ചത്. 543 പേജുകളിലായാണ് കുറ്റപത്രം തയ്യാറാക്കിയത്. 110 സാക്ഷികളും, 116 തൊണ്ടിമുതലും, CCTV ദൃശ്യങ്ങള് ഉള്പ്പെടെയുള്ള 70 ഡിജിറ്റല് തെളിവുകളുമാണ് കുറ്റപത്രത്തില് ഉള്ളത്. അഫാന് കൊല്ലപ്പെട്ട ലത്തീഫിനോടും ഷാഹിദയോടും വൈരാഗ്യം ഉണ്ടായിരുന്നതായി കുറ്റപത്രം വ്യക്തമാക്കുന്നു. അഫാന്റെ മാതാവില് നിന്നും ചിട്ടി തുകയായി ലഭിക്കാനുള്ള പണം തിരികെ ചോദിച്ചതാണ് വൈരാഗ്യത്തിന് പ്രധാന കാരണം. പെണ്സുഹൃത്ത് ഫര്സാനയുമായുള്ള ബന്ധം അബ്ദുള് ലത്തീഫ് എതിര്ത്തതും കൊലയ്ക്ക് കാരണമായി എന്നും കുറ്റപത്രത്തില് പറയുന്നുണ്ട്.
വെഞ്ഞാറമൂട് കൂട്ടക്കൊല; രണ്ടാമത്തെ കുറ്റപത്രം സമര്പ്പിച്ചു
