ഖത്തർ ഗ്രാൻഡ് പ്രീയിൽ വെർസ്റ്റാപ്പൻ ജേതാവ്

ഖത്തർ ഗ്രാൻഡ് പ്രീയിൽ മാക്സ് വെർസ്റ്റാപ്പൻ വിജയിച്ചു. ഇതോടെ മക്ലാരൻ ജോഡികളായ ലാൻഡോ നോറിസും ഓസ്കാർ പിയാസ്ട്രിയും തമ്മിലുള്ള അവസാന റേസ് കിരീട പോരാട്ടത്തിന് വഴിയൊരുങ്ങി. റെഡ് ബുൾ ഡ്രൈവർ അഞ്ചാം തുടർച്ചയായ കിരീടത്തിനായുള്ള തന്റെ ശ്രമം തുടർന്നപ്പോള്‍ പോൾ പൊസിഷനിൽ നിന്ന് ആരംഭിച്ച പിയാസ്ട്രി രണ്ടാമതും ചാമ്പ്യൻഷിപ്പ് പട്ടികയിൽ മുന്നിലെത്തിയിരുന്ന നോറിസ് നാലാമതുമായിരുന്നു. വെർസ്റ്റാപ്പന്റെ അത്ഭുതകരമായ മുന്നേറ്റം അദ്ദേഹത്തെ പിയാസ്ട്രിയെ മറികടന്ന് ചാമ്പ്യൻഷിപ്പിൽ രണ്ടാം സ്ഥാനത്തേക്ക് ഉയർത്തി. വെര്‍സ്റ്റാപ്പന്‍ വരുന്ന വാരാന്ത്യത്തിലെ സീസൺ ഫൈനലിൽ നോറിസിനെക്കാൾ വെറും 12 പോയിന്റ് പിന്നിൽ പ്രവേശിച്ചു. പിയാസ്ട്രി തന്റെ ടീമംഗത്തെക്കാൾ 16 പോയിന്റ് പിന്നിലാണ്. 2021ൽ അബൂദാബിയിലെ അവസാന മത്സരത്തിന്റെ അവസാന ലാപ്പിൽ ലൂയിസ് ഹാമിൽട്ടണിനെ തോല്പിച്ച് വെര്‍സ്റ്റാപ്പന്‍ കിരീടം നേടിയിരുന്നു.