വിദ്യാർത്ഥികളുടെ ഭാഷാശേഷി വർദ്ധിപ്പിക്കാനും കലാ സാഹിത്യ അഭിരുചികൾ കണ്ടെത്താനുമായി പൊതുവിദ്യാഭ്യാസ വകുപ്പിന്റെ നിർദ്ദേശാനുസരണം പ്രവർത്തിക്കുന്ന വിദ്യാരംഗം കലാസാഹിത്യവേദിയുടെ പ്രവർത്തനോദ്ഘാടനം മണ്ണാറശാല യുപി സ്കൂളിൽ സംഘടിപ്പിച്ചു. കവിയും കേന്ദ്ര സാഹിത്യ അക്കാദമി യുവ സാഹിത്യ പുരസ്കാര ജേതാവുമായ ഗണേഷ് പുത്തൂർ ഉദ്ഘാടനം നിർവഹിച്ചു.
പി ടി എ പ്രസിഡന്റ് സി പ്രകാശ് അധ്യക്ഷത വഹിച്ചു. കെ കവിത അധ്യാപിക ജെ മാല്യ, പ്രഥമ അധ്യാപിക കെ എസ് ബിന്ദു, വിദ്യാരംഗം കോഡിനേറ്റർ ആർ ബീന എന്നിവർ സംസാരിച്ചു. പി ടി എ വൈസ് പ്രസിഡന്റ് പി ഭാനു സരിഗ, അംഗങ്ങളായ വിദ്യ, രാജിമോൾ, രശ്മി രാജ്, അമ്പിളി, നിഷ, സരിത, അധ്യാപകരായ ഇ പി ബിന്ദു, കെ ശ്രീകല, ജെ ഗിരീഷ് ഉണ്ണിത്താൻ, സീമാദാസ്, ആർ എസ് ശ്രീലക്ഷ്മി, ആർ വിജയരാജ്, വി ആർ വന്ദന, സി ശ്രീജാദേവി, രേവതി, രഞ്ജിനി എന്നിവർ പങ്കെടുത്തു. തുടർന്ന് ഗണേശ് പുത്തൂരിന്റെ നേതൃത്വത്തിൽ കവിത ശിൽപശാല- കാവ്യഗീഥി-നടന്നു.
English Summary: Vidyarangam Kala Sahityavedi at Mannarasala School