കൈക്കൂലി വാങ്ങുന്നതിനിടെ പാലക്കാട് രണ്ട് ഫീല്‍ഡ് അസിസ്റ്റന്‍ഡുമാര്‍ പിടിയിലായി. പാലക്കാട് കോങ്ങോട് വില്ലേജ് ഓഫീസില്‍ വിജിലന്‍സ് നടത്തിയ പരിശോധനയിലാണ് ഇരുവരെയും പിടികൂടിയത്. കൈക്കൂലി നല്‍കുന്നതിനിടെയാണ് ഉദ്യോഗസ്ഥര്‍ പിടിയിലായതെന്ന് അധികൃതര്‍ അറിയിച്ചു. മനോജ്, പ്രസന്നൻ എന്നിവരാണ് പിടിയിലായത് . കൈക്കൂലിത്തുകയായ അമ്പതിനായിരം രൂപയും കണ്ടെത്തി.
ചല്ലിക്കൽ സ്വദേശി കുമാരന്റെ പരാതിയിലായിരുന്നു വിജിലൻസ് പരിശോധന. പട്ടയത്തിന് അപേക്ഷ നൽകിയപ്പോൾ 1 ലക്ഷം വേണം എന്നായിരുന്നു ഇവരുടെ ആവശ്യം. വില പേശി 50,000 ആക്കി. അതില്‍ 5,000 രൂപ ഇന്നലെ കൊടുത്തു.
പിന്നീടാണ് പരാതിയുമായി കുമാരൻ വിജിലൻസിനെ സമീപിച്ചത്.
English Summary: Vigilance arrested two field assistants in Palakkad while bribing
You may like this video also
