അമ്മ ജനറല് ബോഡി യോഗത്തില് ആരോപണ വിധേയനായ നടനും സംവിധായകനുമായ വിജയ് ബാബു പങ്കെടുക്കുന്നു. അമ്മയുടെ എക്സിക്യൂട്ടീവ് കമ്മിറ്റി അംഗമായിരുന്ന വിജയ് ബാബുവിനെതിരെയുള്ള യുവനടിയുടെ പരാതിയും വിവാദങ്ങളും യോഗത്തില് ഉന്നയിക്കുമെന്നാണ് വിവരം. യുവ നടിയുടെ പരാതിയെ തുടര്ന്ന് വിജയ് ബാബു എക്സിക്യൂട്ടീവില് നിന്ന് പിന്മാറിയിരുന്നു.
ആഭ്യന്തര പരാതി പരിഹാര സെല് രൂപീകരിച്ചതിന് ശേഷമുള്ള ആദ്യ ജനറല് ബോഡി യോഗമാണെങ്കിലും വിജയ് ബാബുവിനെതിരെ നടപടി സ്വീകരിക്കാത്തതില് പ്രതിഷേധിച്ച് സെല് അധ്യക്ഷ ശ്വേത മേനോന് അടക്കമുള്ള അംഗങ്ങള് രാജി വച്ചിരുന്നു.
വിജയ് ബാബുവിന് മുന്കൂര് ജാമ്യം നല്കി ഹൈക്കോടതി നിരീക്ഷിച്ച കാര്യങ്ങളാകും വിജയ് ബാബുവിനെ അനുകൂലിക്കുന്ന വിഭാഗം പ്രതിരോധമായി ഉയര്ത്തുക. നടന് ഹരീഷ് പേരടിയുടെ രാജി, ഷമ്മി തിലകനെതിരായ നടപടി തുടങ്ങിയ വിവിധ വിഷയങ്ങളും ചര്ച്ചയ്ക്കെത്തും. ഒപ്പം സംഘടനയുടെ വരുമാനം ലക്ഷ്യമിടുന്ന പരിപാടികള്ക്കും യോഗം രൂപം നല്കും.
English summary; Vijay Babu at the Amma General Body meeting