നടൻ വിജയ്, ആരാധക സംഘടനയായ വിജയ് മക്കൾ ഇയക്കം ഭാരവാഹികളുമായി ഇന്ന് കൂടിക്കാഴ്ച നടത്തും. നടന്റെ രാഷ്ട്രീയ പ്രവേശന അഭ്യൂഹം സജീവമായി തുടരുന്നതിനിടെയാണ് കൂടിക്കാഴ്ച. ചെന്നൈയ്ക്ക് സമീപം പനയൂരിലുള്ള വിജയുടെ ഫാം ഹൗസിലാണ് യോഗം. തമിഴ്‌നാട്ടിലെ 234 നിയമസഭാ മണ്ഡലങ്ങളിലെയും ടിവിഎംഐയുടെ ചുമതലക്കാർ പങ്കെടുക്കും.
വിജയുടെ രാഷ്ട്രീയപ്രവേശവുമായി ബന്ധപ്പെട്ട ചർച്ചകൾ നടക്കുമെന്നാണ് പ്രതീക്ഷിക്കുന്നത്. വിദ്യാർഥികളെ ആദരിക്കുന്ന ചടങ്ങ് സംഘടിപ്പിക്കുന്നതിന് നേതൃത്വംനൽകിയ മണ്ഡല ചുമതലക്കാരെ ചൊവ്വാഴ്ച ചേരുന്ന യോഗത്തിൽ വിജയ് അനുമോദിക്കും. തുടർന്ന് മണ്ഡലങ്ങളിലെ പ്രവർത്തനങ്ങൾ സജീവമാക്കുന്നതിനെക്കുറിച്ചുള്ള ചർച്ചകളും നടക്കും.
English Summary: vijay makkal iyakkam meeting
You may also like this video
