കേന്ദ്ര മോട്ടോര്‍വാഹന നിയമങ്ങളും ബന്ധപ്പെട്ട കോടതി ഉത്തരവുകളും ലംഘിക്കുന്ന വാഹനങ്ങള്‍ക്കും ഉടമകള്‍ക്കും എതിരെ ഇന്നുമുതല്‍ കര്‍ശന നടപടി. ഇത്തരം വാഹനങ്ങള്‍ക്കെതിരെ കര്‍ശന നടപടിയെടുക്കാന്‍ കേരള ഹൈക്കോടതി നിര്‍ദ്ദേശിച്ചിരുന്നു. മോട്ടോര്‍ വാഹന നിയമം ലംഘിച്ച്‌ ലൈറ്റുകളും, ശബ്ദ സംവിധാനങ്ങളും ഘടിപ്പിക്കുന്ന കോണ്‍ട്രാക്ട്‌ ക്യാരേജുകള്‍ക്കും മറ്റു വാഹനങ്ങള്‍ക്കും എതിരെ ശക്തമായ നടപടിയെടുക്കണമെന്നും കോടതി നിര്‍ദ്ദേശിച്ചു. ഇത്തരം വാഹനങ്ങളുടെ ഫിറ്റ്‌ നസ്‌ സര്‍ട്ടിഫിക്കറ്റും, ഡ്രൈവറുടെ ലൈസന്‍സും ഉടന്‍ സസ്‌പെന്‍ഡ്‌ ചെയ്യണമെന്ന്‌ ഹൈക്കോടതി ഡിവിഷന്‍ ബെഞ്ച്‌ നിര്‍ദ്ദേശിച്ചു. വടക്കഞ്ചേരി അപകടത്തിന്റെ പശ്ചാത്തലത്തില്‍ കോടതി സ്വമേധയാ എടുത്ത കേസുമായി ബന്ധപ്പെട്ടാണ്‌ ജസ്റ്റിസുമാരായ അനില്‍ കെ നരേന്ദ്രന്‍, പി ജി അജിത്‌ കുമാര്‍ എന്നിവരടങ്ങിയ ഡിവിഷന്‍ ബെഞ്ചിന്റെ ഉത്തരവ്‌.
English Summary: Violation in buses: Strict action from today
You may like this video also
