ചൈനീസ് നഗരമായ ടാങ്ഷാനിലെ റസ്റ്റോറന്റിൽ സ്ത്രീകൾക്കു നേരെ അതിക്രമം. ഇതിന്റെ വിഡിയോ വ്യാപകമായി പ്രചരിച്ചതിനു പിന്നാലെ ഒമ്പതുപേരെ അറസ്റ്റ് ചെയ്തു.
റസ്റ്റോറന്റിൽ ഭക്ഷണം കഴിക്കാനെത്തിയ സ്ത്രീയെ ഒരാൾ സ്പർശിച്ചതാണ് സംഭവത്തിന്റെ തുടക്കം. തന്നെ അപമാനിക്കാൻ ശ്രമിച്ചയാളെ സ്ത്രീ തള്ളി. തുടർന്ന് അയാൾ സ്ത്രീയെ അടിച്ചുതാഴെയിട്ട് നിലത്തിട്ട് വലിച്ചിഴച്ചു. ഏതാനും യുവാക്കളും ആക്രമിക്കാനെത്തി.
സ്ത്രീക്ക് ഒപ്പമുണ്ടായിരുന്നവർ പ്രതിരോധിച്ചപ്പോൾ അവരുടെ നേരെയും ആക്രമണമുണ്ടായി. പരിക്കേറ്റ ഇവരെ ആശുപത്രിയിൽ പ്രവേശിപ്പിച്ചു.
English summary;Violence against women in Chinese restaurants; Nine arrested